Тараз қаласында «Оптимед» көз хирургиясы орталығының базасында АИТВ инфекциясы мен ЖИТС-тің алдын алу және онымен күрес жөніндегі семинар өтті. Іс-шараға медицина қызметкерлері қатысты. Қамту — 31 медицина қызметкері.
Семинардың мақсаты — қатысушыларды Қазақстан Республикасындағы және Жамбыл облысындағы АИТВ инфекциясының таралу деңгейімен, АИТВ/ЖИТС мәселелері бойынша қолданыстағы нормативтік-құқықтық актілермен, тексеруден өтуге жататын контингенттерді тексеру тәртібімен, сондай-ақ кәсіби жұқтырудың алдын алу шараларымен таныстыру.
Семинар бағдарламасы аясында Қазақстан Республикасы мен Жамбыл облысындағы АИТВ/ЖИТС бойынша эпидемиологиялық жағдай, АИТВ/ЖИТС-ке қатысты нормативтік-құқықтық актілер, АИТВ инфекциясы мен кәсіби жұқтырудың алдын алу мәселелері қарастырылды. Сонымен қатар, авариялық жағдайлар кезіндегі іс-әрекеттер, АИТВ инфекциясының алдын алу мақсатындағы доконтактты және постконтактты профилактика, АИТВ-статусты білудің маңыздылығы, сондай-ақ АИТВ-мен өмір сүретін адамдарға қатысты стигма мен кемсітушілікке жол бермеу мәселелеріне ерекше назар аударылды. Семинар соңында қатысушылардың сұрақтарына жауаптар берілді.
Семинарды Жамбыл облысы әкімдігі денсаулық сақтау басқармасының «Жамбыл облыстық жүре пайда болған иммун тапшылығы синдромының алдын алу және онымен күрес орталығы» КГКП-ның АИТВ инфекциясының алдын алу жұмысы бөлімінің дәрігер-эпидемиологы Аушенова Қ.Б. өткізді.
Семинар барысында презентациялық материалдар ұсынылып, Қазақстан Республикасы мен Жамбыл облысындағы АИТВ инфекциясы мен ЖИТС бойынша эпидемиологиялық жағдай туралы өзекті ақпарат берілді. Сондай-ақ нормативтік-құқықтық актілер, тексеруден өтуге жататын контингенттер және кәсіби жұқтырудың алдын алу шаралары бойынша түсіндірме жұмыстары жүргізілді.