Жаңалықтар

22 шілде күні Жамбыл облыстық ЖИТС-тың алдын алу және оған қарсы күрес жүргізу орталығының мамандары тұрғындардың АИТВ-инфекциясы туралы білім деңгейін арттыру және аурудың алдын алу мәдениетін қалыптастыру мақсатында кезекті ақпараттық-ағарту іс-шарасын ұйымдастырды. Іс-шара барысында орталықтың мейірбикелері Э. Ибрагимова мен М. Момынтаева Тараз қаласындағы ЦУМ және ОӘД кәсіпкерлері мен келушілермен кездесіп, АИТВ-инфекциясының жұғу жолдары, одан қорғану тәсілдері, ерте анықтаудың маңызы және тұрақты түрде тексеріліп тұрудың қажеттілігі жөнінде түсіндіру жұмыстарын жүргізді. Кездесу барысында мамандар салауатты өмір салтын ұстанудың жұқпалы аурулардың алдын алудағы маңызын атап өтіп, тұрғындардың сауалдарына жан-жақты жауап берді. Сонымен қатар қатысушыларға АИТВ-инфекциясының алдын алу бойынша пайдалы ақпарат қамтылған жадынамалар мен ақпараттық буклеттер таратылды.

Жамбыл облыстық ЖИТС-тың алдын алу және оған қарсы күрес жөніндегі орталығының мамандары халық арасында АИТВ-инфекциясының алдын алу бағытында санитариялық-ағарту жұмыстарын ұйымдастырды. Іс-шара барысында орталықтың мейірбикелері Тоғанбай Нұрдана Қайратқызы мен Момынтаева Майра Мырзадилқызы Тараз қаласындағы «Мир чехлов», «Azhar Cosmetics», «Setmax», «Мир сумок», «Аксессуарлар әлемі», «Тұмар» сауда үйі, зергерлік дүкен және «Dodo Pizza» сауда нысандарында, сондай-ақ жаяу жүргіншілер көп шоғырланатын орындарда тұрғындармен кездесіп, ақпараттық-түсіндіру жұмыстарын жүргізді. Кездесу барысында тұрғындарға АИТВ-инфекциясының жұғу жолдары, оның алдын алу шаралары, дер кезінде тексерілудің маңыздылығы және өз денсаулығына жауапкершілікпен қараудың қажеттілігі туралы жан-жақты ақпарат берілді. Сонымен қатар, қатысушыларға ақпараттық-танымдық парақшалар таратылып, олардың сұрақтарына мамандар тарапынан толық әрі жан-жақты жауаптар мен түсіндірмелер берілді.

Жамбыл облыстық жұқтырылған иммун тапшылығы синдромының алдын алу және оған қарсы күрес жөніндегі орталығының мәжіліс залында қызметкерлердің қатысуымен ақпараттық-түсіндіру жиыны өтті. Жиын барысында комплаенс қызметінің маманы А.В. Пронина қатысушыларға түсіндіру жұмыстарын жүргізіп, сыбайлас жемқорлыққа қарсы іс-қимыл саласындағы өзекті мәселелер мен қолданыстағы заңнамадағы өзгерістер туралы жан-жақты ақпарат берді. Жиынның негізгі тақырыптары: – Комплаенс қызметінің негізгі ұйымдастырушылық іс-шаралары; -Орталықта сыбайлас жемқорлық тәуекелдеріне ішкі талдау жүргізу; – Ішкі нормативтік құжаттарды және Сыбайлас жемқорлыққа қарсы стандартты өзектендіру, сондай-ақ Қазақстан Республикасының Еңбек кодексіне енгізілген өзгерістер мен толықтыруларды түсіндіру. Іс-шара барысында қатысушылар өздерін қызықтырған сұрақтарға жауап алып, комплаенс мәдениетін қалыптастырудың, ашықтық пен адалдық қағидаттарын сақтаудың маңыздылығы атап өтілді.

Жамбыл облыстық ЖИТС-тың алдын алу және оған қарсы күрес жөніндегі орталығының мамандары тұрғындар арасында АИТВ-инфекциясының алдын алу бағытында ақпараттық-түсіндіру жұмыстарын жүргізді. Іс-шара барысында орталықтың мейірбикелері А. Никулина мен Э. Ибрагимова Тараз қаласындағы «Grand Bazaar» сауда орталығында, сондай-ақ жаяу жүргіншілер көп шоғырланатын орындарда тұрғындармен кездесіп, түсіндіру жұмыстарын өткізді. Кездесу барысында тұрғындарға АИТВ-инфекциясының жұғу жолдары, оның алдын алу шаралары, уақтылы тексерілудің маңыздылығы және өз денсаулығына жауапкершілікпен қараудың қажеттілігі туралы жан-жақты ақпарат берілді. Сонымен қатар, қатысушыларға ақпараттық парақшалар таратылып, олардың сұрақтарына мамандар тарапынан толық әрі жан-жақты жауаптар берілді.

2026 жылғы 7 шілдеде Жамбыл облыстық ЖИТС-тың алдын алу және оған қарсы күрес жүргізу орталығының мамандары халықтың АИТВ-инфекциясы туралы хабардарлығын арттыру мақсатында кезекті ақпараттық-профилактикалық іс-шара өткізді. Ақпараттық жұмыстар орталықтың мейірбикелері Гүлнұр Иманбаева мен Нейля Абугалиеваның қатысуымен «Tulpar Card» орталығында, «Relax Health» орталығында, «Modnyi Look» киім дүкенінде, «Armelle» дүкенінде, «Ara» 1000 мелочей сауда нүктесінде, «City Brand» сұлулық студиясында, сондай-ақ жаяу жүргіншілер көп жүретін тротуар аумақтарында жүргізілді. Кездесулер барысында тұрғындарға АИТВ-инфекциясының берілу жолдары, оның алдын алу әдістері, ерте диагностиканың маңыздылығы және салауатты өмір салтын ұстанудың қажеттілігі туралы жан-жақты мәлімет берілді. Іс-шара соңында келушілерге ақпараттық буклеттер таратылып, мамандар азаматтардың сұрақтарына жауап беріп, АИТВ-инфекциясынан сақтану жолдары бойынша түсіндіру жұмысы

Жамбыл облыстық ЖИТС-тың алдын алу және оған қарсы күрес жүргізу орталығының мейірбикелері Д.Еркулова және Б.Салменбаева тұрғындар арасында АИТВ-инфекциясының алдын алу бойынша кезекті ақпараттық-түсіндіру іс-шарасын өткізді. Іс-шара аясында орталық мамандары «Mr. Chicken» фаст-фуд орталығында, «Euro Mebel» жиһаз дүкенінде, «Korzinka» дүкендер желісінде, «Nurset» смартфон дүкенінде, «Бальзамы Короткова» дүкенінде, сондай-ақ жаяу жүргіншілер көп жүретін тротуар аумағында тұрғындармен кездесіп, түсіндіру жұмыстарын жүргізді. Кездесу барысында келушілерге АИТВ-инфекциясының берілу жолдары, жұқтыру қаупін төмендету шаралары, дер кезінде тексерілудің маңыздылығы және өз денсаулығына жауапкершілікпен қараудың қажеттілігі туралы кеңінен ақпарат берілді. Сонымен қатар, тұрғындарға ақпараттық-танымдық жадынамалар таратылып, мамандар әрбір қойылған сұраққа жан-жақты жауап беріп, АИТВ-инфекциясының алдын алу бойынша пайдалы кеңестер ұсынды.

2026 жылғы 1 шілдеден бастап елімізде жаңа Конституция күшіне енді. Аталған құжат азаматтардың, соның ішінде денсаулық сақтау саласындағы құқықтарын бұрынғыдай толық сақтайды.
Конституцияда белгіленгендей, Қазақстан Республикасының азаматтары заңмен көзделген жағдайларда тегін медициналық көмекті алуға құқылы. Бұл норма мемлекет кепілдік берген медициналық көмектің бұрынғы тәртібін өзгертпейді.
АИТВ-инфекциясының алдын алу, диагностикалау, емдеу және диспансерлік бақылау қызметтері Жамбыл облысында толық көлемде және тегін көрсетіледі. Барлық пациенттер қажетті антиретровирустық терапиямен, зертханалық тексерулермен және медициналық бақылаумен қамтамасыз етілген.
Бүгінде Жамбыл облыстық ЖИТС орталығының диспансерлік есебінде 1195 пациент тіркелген.
Сонымен қатар орталықта АИТВ-ға тегін тексерілу мүмкіндігі бар:
-иммуноферменттік талдау (ИФТ)
-жедел тестілеу
-дәрігерлік және психологиялық кеңес беру
Барлық қызметтер құпия түрде және тегін көрсетіледі. ‎

2026 жылғы 25 маусымда №9 қалалық емханада «Қазақстан Республикасы мен Жамбыл облысындағы АИТВ/ЖИТС бойынша эпидемиологиялық жағдай. АИТВ/ЖИТС мәселелері бойынша нормативтік-құқықтық актілер. АИТВ/ЖИТС-тің алдын алу» тақырыбында семинар ұйымдастырылды.
Іс-шараның негізгі мақсаты – медицина қызметкерлерінің АИТВ-инфекциясының алдын алу, ерте анықтау, диагностикалау және эпидемиологиялық қадағалау бағытындағы білімдерін жетілдіру, сондай-ақ қолданыстағы нормативтік-құқықтық актілермен таныстыру болды.
Семинарды Жамбыл облыстық ЖИТС-тің алдын алу және оған қарсы күрес орталығының мамандары – АИТВ-инфекциясын эпидемиологиялық қадағалау бөлімінің эпидемиолог дәрігері Г.Ахметова және профилактика бөлімінің мейірбикесі Д.Еркулова жүргізді.
Семинар барысында қатысушыларға Қазақстан Республикасы мен Жамбыл облысындағы АИТВ-инфекциясы бойынша қазіргі эпидемиологиялық ахуал туралы жан-жақты ақпарат берілді. Сонымен қатар, АИТВ-инфекциясына клиникалық көрсетілімдер бойынша 113.4 коды негізінде тексеру жүргізу тәртібі, диагнозды МКА-10 бойынша дұрыс рәсімдеу талаптары, АИТВ-ға міндетті түрде тексерілуге жататын контингенттер, медициналық ұйымдардағы ұйымдастыру-әдістемелік жұмыстар және қолданыстағы нормативтік-құқықтық құжаттар кеңінен түсіндірілді.
Кездесу барысында №9 қалалық емхана бойынша 2026 жылдың алғашқы бес айындағы АИТВ-инфекциясына тестілеу нәтижелері талданып, өткен жылдың сәйкес кезеңімен салыстырмалы түрде сарапталды. Сондай-ақ, Жамбыл облыстық ЖИТС орталығының зертханасына АИТВ-ға иммуноферменттік талдау (ИФТ/ИФА) жүргізуге арналған биоматериалды дұрыс алу, сақтау, тасымалдау және жеткізу қағидалары, сондай-ақ АИТВ-инфекциясына экспресс-тестілеу жүргізу тәртібі бойынша тәжірибелік ұсынымдар берілді.
Семинарда АИТВ/ЖИТС-тің алдын алу, халық арасында ақпараттық-түсіндіру жұмыстарын күшейту, инфекцияға байланысты стигма мен кемсітушіліктің алдын алу, пациенттердің құқықтарын сақтау және қоғамда толерантты көзқарасты қалыптастыру мәселелеріне ерекше назар аударылды.
Іс-шара соңында қатысушылар өздерін толғандырған сұрақтарын қойып, мамандардан жан-жақты жауап алды.

«Неке және отбасы» медициналық орталығының конференц-залында медицина қызметкерлеріне арналған семинар-тренинг өткізілді.
Семинар барысында келесі тақырыптар қарастырылды: «Денсаулық сақтау мамандары арасында АИТВ-ға қатысты стигма мен кемсітушілік», «АИТВ, мерез және С гепатитінің анадан балаға берілуінің алдын алу мәселелері», сондай-ақ «Қатар жүретін аурулары бар АИТВ-мен өмір сүретін адамдарды жүргізу мәселелері».
Іс-шараның негізгі мақсаты – медициналық ұйымдарда АИТВ-мен өмір сүретін адамдарға қатысты стигма мен кемсітушіліктің алдын алу, пациенттердің құқықтарын сақтау, сапалы медициналық қызмет көрсетудің маңыздылығын түсіндіру және медициналық қызметкерлердің кәсіби құзыреттілігін арттыру болды.
Семинар-тренингті Жамбыл облысы әкімдігі денсаулық сақтау басқармасының «Жамбыл облыстық ЖИТС-тің алдын алу және оған қарсы күрес орталығы» КМКК эпидемиологиялық бөлімінің дәрігер-эпидемиологы Д.Е. Абдраманова және емдеу-алдын алу бөлімінің дәрігер-инфекционисі Г.К. Темирбекова жүргізді.
Іс-шара барысында қатысушылар стереотиптер мен теріс көзқарастардың қалыптасу себептері, стигманың көрініс беру түрлері, кемсітушіліктің деңгейлері мен себептері туралы жан-жақты ақпарат алды. Сонымен қатар, медициналық мекемелердегі стигма мен кемсітушіліктің АИТВ-мен өмір сүретін адамдардың денсаулығына, медициналық көмекке жүгінуіне және өмір сапасына тигізетін әсері нақты мысалдар арқылы талқыланды.
Семинар аясында АИТВ-инфекциясының, мерездің және С гепатитінің анадан балаға берілуінің алдын алу шаралары, жүкті әйелдерді бақылау және ерте диагностикалаудың маңыздылығы туралы мәселелер көтерілді. Сондай-ақ қатар жүретін аурулары бар АИТВ-мен өмір сүретін адамдарды кешенді жүргізу, емдеу мен бақылаудың заманауи тәсілдері жөнінде түсіндіру жұмыстары жүргізілді.
Семинар барысында пациенттердің қадір-қасиеті мен құқықтарын құрметтеу, медициналық құпияны сақтау, қауіпсіз әрі қолайлы кәсіби орта қалыптастыру мәселелеріне ерекше назар аударылды. Қатысушылар тақырыптар бойынша өзара пікір алмасып, күнделікті тәжірибеде кездесетін жағдайларды талқылады.