2019 жылдың 4-6 наурыз аралығында Жамбыл облыстық ЖИТС орталығының мамандары (ОЖИТСО) Қордай ауданының медициналық қызметкерлеріне кеңестік-әдістемелік көмек көрсетті.Облыстық ЖИТС орталығының инфекционист-дәрігері Сметова Гүлмира Қордай аудандық емханасында диспансерлік есепте тұргандарға, АИТВ жұқпасымен өмір сүретін адамдарға диспансеризация жүргізді. Диспансеризациямен 85% қамтылды.Эпидемиолог-дәрігер Сара Дулатбаева Қазақстан Республикасы Денсаулық сақтау министрлігінің ағымдағы бұйрығы бойынша медицина қызметкерлеріне дәріс өткізді.Алдын алу бөлімінің меңгерушісі Садыбекова Ғалия «Халық пен жастар арасында АИТВ/ЖИТС алдын алу. Алғашқы медициналық-санитарлық көмек мамандары мен педагогтарға мектеп жағдайындағы халыққа және жасөспірімдерге психо-әлеуметтік көмек көрсету негіздері» тақырыбына оқыту семинар-тренингін өткізді. АИТВ жұқпасы туралы сауалнама жүргізілді. Алынған білімдер АИТВ жаңа оқиғаларын болдырмау үшін алдын алу шаралары мен тәсілдерін түсіндіру жұмыстарын жүргізуге мүмкіндік береді.