Жамбыл облысының тұрғындары арасында коронавирустық инфекцияның одан әрі таралуының алдын алу бойынша төтенше жағдай және карантин жағдайында облыстық ЖИТС орталығы АИТВ/ЖИТС алдын алу бойынша жұмысты жалғастыруда. Жастар арасында ақпараттық жұмыс Skype және басқа да әлеуметтік желілерде 30 секундтық бейнелерді тарату арқылы жүзеге асырылады. Осылайша, Жамбыл политехникалық колледжінің психологы Саменова Гүлжамал және М.Х.Дулати атындағы Тараз мемлекеттік университетінің оқытушысы Асанов Ақылбектің қатысуымен «АИТВ-ның берілу жолдары», «АИТВ тестілеу түрлері», «АИТВ-нан және ЖИТС-нан қорқу» тақырыптары бойынша бейнелер мемлекеттік және орыс тілдерінде таратылады.