Опиоидті толықтырушы терапия мәселелерін шешу үшін облыстық ЖИТС орталығының, ҚДҚД, облыстық наркологиялық диспансер мамандарының семинары болып өтті.
2018 жылдың 24 тамызында Жамбыл облыстық наркологиялық диспансердің мәжіліс залында Жамбыл облыстық ЖИТС мамандарымен ҚДҚД бірлесіп медицина қызметкерлерінің арасында “2018 жылдың 6 айында инъекциялық есірткі тұтынушы тұлғалар арасында АИТВ/ЖИТС бойынша эпидемиологиялық жағдай” тақырыбында семинар өткізді. Бірінші мәселе бойынша ұйымдастыру-әдістемелік бөлімнің меңгерушісі Копбосунова А.О. сөз алды. Ол АИТВ-инфекциясының алдын алу бойынша өзара іс-әрекеттестік жоспары бойынша жыл бойы жұмыс жүргізіліп отырғанын айтып, сонымен қатар қызметкерлерді 2020 жылға қарай ҚР АИТВ-ның таралуына қарсы іс-әрекет бойынша 90-90-90 стратегиясымен таныстырды. Екінші мәселе бойынша ҚДҚД бас маманы Абдильда Г.А. барлық ведомстволардың сектораралық өзара іс-әрекеттестігі, 2016-2019 жылдарға арналған “Денсаулық” мемлекеттік бағдарламасы жайында мағлұмат берді.
Дәрігер-эпидемиолог Дегтерева И.И. қатысушыларды Қазақстан Республикасы мен Жамбыл облысындағы инъекциялық есірткі тұтынушылар арасында АИТВ бойынша эпидемиологиялық жағдай туралы түсіндірді. Емдеу бөлімі меңгерушісінің міндетін атқарушы Байдаулетова Г.Т. науқасты АИТВ-ға клиникалық көрсетілімдері бойынша тексеру жайында айтты. Медицина қызметкерлерінің қойған сауалдарына нақты жауаптар берілді. Бас дәрігердің емдеу ісі бойынша орынбасары Каримова Г.А. қорытынды сөз айтып, баяндамашыларға алғыс білдірді.
