2019 жылдың 13 наурызында облыстық ЖИТС орталығының дәріскері Жакенова Рахима Тараз қаласындағы Қызмет көрсету және технология колледжінің студенттерімен «Жастар арасында АИТВ жұқтыру қаупін төмендету» тақырыбына дөңгелек үстел өткізді. Болашақ аспаздар, кондитерлер АИТВ таралу жолдары, инъекциялық есірткі тұтынушылар, стигма мен дискриминация, жыныстық жолмен жіберілетін инфекцияларды (ЖЖЖИ) жұқтыру қаупі туралы әңгімеге белсене қатысты. Тестілеу және олардың түрлері, өз АИТВ статусын білу мәселелері қызу талқыланды.
