Бейнегалерея

🔰АИТВ-ның алдын алу – ортақ міндет

🔹Т.Рысқұлов ауданының Мәдениет үйінде маңызды кездесу өтті. Бұл жолы Жамбыл облыстық АИТВ -инфекциясын алдын алу орталығының білікті мамандары жан-жақты ақпарат ұсынды.
🔹Кездесу барысында мамандар АИТВ-ның таралу жолдары, жұғу себептері және одан қорғану шаралары туралы кең көлемде түсіндірме жүргізілді.
🔹Жиында салауатты өмір салтын ұстану, жастарды зиянды әрекеттерден аулақ болуға баулу, отбасылық құндылықтарды дәріптеу жайында да кеңінен сөз қозғалды.
✅Іс-шара соңында ниет білдіруші 3 қызметкерге экспресс-тест жүргізілді. Сонымен қатар қатысушыларға 20 дана ақпараттық бүктемелер таратылып, көпшіліктің көкейіндегі сұрақтарға нақты жауап берілді.

🔹АИТВ орталығының мамандары Т.Рысқұлов ауданының полиция бөлімшесі қызметкерлерімен ақпараттық кездесу өткізді. Іс-шара барысында орталықтың эпидемиолог дәрігері С.Дулатбаева мен психолог маманы М.Бегманова АИТВ-инфекциясының таралу жолдары, жұғу себептері мен алдын алу шаралары жөнінде кең көлемде ақпарат ұсынды.
🔹Мамандар Қазақстан Республикасы мен Жамбыл облысындағы АИТВ-ның эпидемиологиялық ахуалына тоқталып, инфекцияның алдын алу бағытындағы шаралардың маңыздылығына ерекше назар аударды. Әсіресе, әрбір адамның өз АИТВ мәртебесін білуі – дерттің алдын алудағы маңызды қадам екені түсіндірілді.
✅Кездесу соңында 35 полиция қызметкері ерікті түрде АИТВ-ға тестілеуден өтті. Қан үлгілері ИФТ (иммуноферменттік талдау) әдісімен алынды. Сонымен қатар, қатысушыларға АИТВ-инфекциясының алдын алу және қорғану жолдары туралы ақпарат берілген 28 дана парақша таратылды.

🔹Жамбыл облыстық АИТВ-инфекциясының алдын алу және оған қарсы күрес орталығының мамандары Т.Рысқұлов ауданына қарасты Ш.Уәлиханов атындағы орта мектебінде семинар ұйымдастырды. Іс-шара мектеп педагогтері мен психолог мамандарына арналып, АИТВ-инфекциясының таралуының алдын алу, сақтану жолдары және ақпараттық-түсіндіру жұмыстарының маңыздылығын арттыру мақсатында өткізілді.
🔹Іс-шараға орталықтың эпидемиолог дәрігері С.Дулатбаева мен психолог маманы М.Бегманова қатысты. Олар қатысушыларға АИТВ-инфекциясының қазіргі таңдағы эпидемиологиялық ахуалы, оның жұғу жолдары, таралу себептері және аурудың алдын алу шаралары жөнінде жан-жақты ақпарат ұсынды.
🔹Семинар барысында Сара Шадиярбекқызы Қазақстан Республикасы және Жамбыл облысы бойынша АИТВ-ның таралу көрсеткіштері мен оның жастар мен жасөспірімдер арасындағы өсу үрдісіне тоқталды. Әсіресе жасөспірімдер мен жастар арасында алдын алу шараларын күшейтудің өзектілігі, ақпараттық жұмыс пен ата-аналар мен педагогтердің рөлі ерекше атап өтілді.
🔹Психолог маман Мереке Сәбитқызы қатысушыларды жасөспірімдердің мінез-құлқындағы өзгерістерді анықтау, оларды әлеуметке бейімдеу жолдары, сондай-ақ қауіп төндіретін жыныстық мінез-құлықтың астарында жатқан психологиялық себептермен таныстырды. Ол сондай-ақ мұндай мінез-құлықтың салдарынан туындайтын жағымсыз нәтижелерді болдырмау үшін қандай алдын алу шараларын қолдануға болатыны туралы нақты кеңестер берді.
✅Семинар соңында педагогикалық ұжым семинар ұйымдастырушыларына ризашылығын білдіріп, осындай ақпараттық іс-шаралардың алдағы уақытта да тұрақты түрде өткізілуінің маңыздылығын атап өтті. Сондай-ақ, мектеп ұжымы Жамбыл облыстық АИТВ орталығы мамандарымен тығыз әріптестік орнатып, бірлесіп жұмыс істеуге дайын екенін жеткізді.

🔰Жамбыл облыстық АИТВ-инфекциясын алдын алу және оған қарсы күрес орталығының мамандары Луговая теміржол стансасында орналасқан әскери гарнизонның ұшу бөлімшесі мен әуе қорғанысы әскери бөлімдерінде болды. Жеке құрам арасында АИТВ инфекциясының алдын алу бойынша түсіндіру жұмыстары жүргізілді.
🔹Іс-шараға орталықтың эпидемиолог дәрігері С.Дулатбаева мен психолог маманы М.Бегманова қатысып, әскери қызметшілерге АИТВ-инфекциясының таралуы, жұғу жолдары мен сақтану шаралары жөнінде кеңінен ақпарат берді. Мамандар Қазақстан Республикасы мен Жамбыл облысындағы эпидемиологиялық жағдайға тоқталып, АИТВ-инфекциясының алдын алу бағытындағы шаралардың маңыздылығына ерекше назар аударды.
🔹Кездесу барысында әскери қызметшілерге инфекцияның жұғу жолдары жөнінде толық ақпарат беріліп, салауатты өмір салтын ұстанудың маңыздылығы түсіндірілді. Сонымен қатар, АИТВ-мен өмір сүретін адамдарға қатысты стигма мен кемсітушіліктің алдын алу туралы да сөз қозғалды.
🔹Іс-шара аясында АИТВ-ға тестілеу ұйымдастырылып, Жамбыл облыстық АИТВ инфекциясының алдын алу орталығының мейірағасы Р.Қуанышбеков 119 әскери қызметкерден ИФТ (иммуноферменттік талдау) әдісімен қан алды.
✅Соңында әскери қызметшілерге 70 дана ақпараттық брошюра таратылды. Қызметкерлер тарапынан бұл тақырыпқа үлкен қызығушылық танытылып, сұрақ-жауаптар болды.

🔹Жамбыл облыстық АИТВ-инфекциясының алдын алу орталығының мамандары Т.Рысқұлов ауданына қарасты Луговой гарнизонында орналасқан танк батальоны, жаяу әскер және барлау бөлімшелерінде қызмет ететін 500-ден астам әскери қызметшінің арасында ауқымды алдын алу жұмыстарын жүргізді.
🔹Іс-шараға орталықтың эпидемиолог дәрігері С.Дулатбаева мен психолог маманы М.Бегманова қатысып, әскери қызметшілерге АИТВ-инфекциясының таралуы, жұғу жолдары мен сақтану шаралары жөнінде кеңінен ақпарат берді. Мамандар Қазақстан Республикасы мен Жамбыл облысындағы эпидемиологиялық жағдайға тоқталып, АИТВ-инфекциясының алдын алу бағытындағы шаралардың маңыздылығына ерекше назар аударды.
🔹Кездесу барысында әскери қызметшілерге инфекцияның жұғу жолдары жөнінде толық ақпарат беріліп, салауатты өмір салтын ұстанудың маңыздылығы түсіндірілді. Сонымен қатар, АИТВ-мен өмір сүретін адамдарға қатысты стигма мен кемсітушіліктің алдын алу туралы да сөз қозғалды.
🔹Іс-шара аясында АИТВ-ға тестілеу ұйымдастырылып, Жамбыл облыстық АИТВ инфекциясының алдын алу орталығының мейірағасы Р.Қуанышбеков 234 әскери қызметшіден ИФТ (иммуноферменттік талдау) әдісімен қан алды. Қосымша 71 қызметкерге жедел тестілеу жүргізілді. Бұл тестілеулер инфекцияны ерте анықтап, дер кезінде медициналық көмек көрсетуге мүмкіндік береді.
🔹Шара соңында әскери қызметшілерге 80 дана ақпараттық парақша таратылып, олар өз сауалдарына мамандардан нақты әрі жан-жақты жауап алды.
✅Әр азаматтың денсаулығы – қоғам байлығы. Сондықтан алдын алу шараларына белсенді қатысу – әркімнің өз денсаулығына деген жауапкершілігі.

🔰Жамбыл облыстық АИТВ-инфекциясын алдын алу орталығының мамандары қала тұрғындары арасында АИТВ -инфекциясын алдын алу туралы туралы дұрыс түсінік қалыптастыру, инфекцияның таралу жолдары мен алдын алу шаралары мақсатында “AVTOMARKETO8” кәсіпкерлік құрылымында ақпараттық-насихаттық іс-шара өткізді.
🔹Шара барысында орталық мамандары қызметкерлерге АИТВ-инфекциясының таралу жолдары, оны жұқтырмаудың тиімді әдістері, ерте анықтаудың маңыздылығы және стигма мен кемсітушілікпен күрес туралы жан-жақты мәліметтер ұсынды. Сонымен қатар, қатысушыларға ақпараттық парақшалар таратылып, әрбір адам өз денсаулығына жауапкершілікпен қарау керектігі түсіндірілді.

Жамбыл облыстық АИТВ-инфекциясының алдын алу және оған қарсы күрес орталығының мамандары – эпидемиолог дәрігер С.Дулатбаева мен психолог М.Бегманова «Тараз-Болашақ» жоғары медициналық колледжінің педагогтері мен студенттеріне арналған семинар өткізді.

Семинардың негізгі мақсаты – АИТВ инфекциясының алдын алу, жастар арасында салауатты өмір салтын қалыптастыру, сондай-ақ болашақ медицина қызметкерлерінің кәсіби сауаттылығын арттыру болды.

Іс-шара барысында эпидемиолог дәрігер Сара Шадиярбекқызы Қазақстан Республикасындағы және Жамбыл облысындағы АИТВ/ЖИТС бойынша эпидемиологиялық жағдайға жан-жақты тоқталып, инфекцияның негізгі жұғу жолдары, таралу қаупі және алдын алу шаралары жөнінде толық ақпарат берді. Сонымен қатар, медицина қызметкерлері арасында кездесетін кәсіби қауіптер, атап айтқанда, биологиялық сұйықтықтармен ластанған құралдармен жұмыс істеу барысында туындайтын бес түрлі инвазивті апаттық жағдайлар нақты мысалдар арқылы түсіндірілді. Мұндай жағдайда сақталуы тиіс алгоритмдер мен жедел әрекет ету тәсілдері де кеңінен қарастырылды.

Психолог Мереке Сәбитқызы семинарда АИТВ-мен өмір сүретін адамдарға қатысты стигма мен кемсітушілік тақырыбында баяндама жасап, қатысушыларға психологиялық қолдау көрсету, кәсіби этика және эмоционалдық тұрақтылықты сақтау мәселелеріне ерекше назар аударды. Болашақ медицина мамандарына науқаспен сенімді қарым-қатынас орнатудың маңыздылығы мен адамгершілік қағидаттары жайлы құнды кеңестер берілді.

Іс-шара соңында семинарға белсенді атсалысып, пайдалы ақпаратпен бөліскені үшін орталық мамандарына «Тараз-Болашақ» жоғары медициналық колледжінің  Алғыс хаттары табыс етілді.

Аталған семинар қатысушылардың қызығушылығын тудырып, оң пікірлерге ие болды. Осындай іс-шаралар болашақта да тұрақты түрде өткізіліп, жас мамандардың кәсіби дайындық деңгейін көтеруге ықпал етпек.

🔰3 сәуір күні Жамбыл облыстық АИТВ-инфекциясының алдын алу орталығының маманы, эпидемиолог дәрігері Д.Абдраманова «Денсаулық сақтау мамандары арасында АИТВ жұқтырғандарға қатысты стигма және кемсітушілік» тақырыбында семинар өткізді.
🔹Іс-шара Тараз қаласындағы перинаталдық орталықта өтті, оған 38 маман қатысты. Семинар барысында Дуйсенкуль Ескермесовна АИТВ-инфекциясы туралы қоғамдағы теріс пікірлер мен кемсітушілікке қарсы күресу жолдарын талқылады. Ол медициналық қызметкерлердің осы мәселелерге қатысты науқастарға деген адами көзқарастың маңыздылығын атап өтті. ​
✅Семинарға қатысушылар АИТВ туралы қоғамдық қабылдауды жақсарту үшін стигманы жоюдың маңызды қадамдары жайында пікір алмасты.

🔹Жамбыл облыстық АИТВ инфекциясын алдын алу орталығының мамандары Тараз қаласының тұрғындары арасында ақпараттық оқу материалдарын таратты. Орталық мамандары АИТВ инфекциясының таралу жолдары мен қауіпсіздік шаралары туралы түсіндіру жұмыстарын жүргізді. Олар тұрғындарға инфекцияның алдын алу әдістері, АИТВ тестілеуінің маңызы және ерте анықтаудың қажеттілігі туралы ақпарат берді.
​ ✅Түсіндіру жұмыстары барысында тұрғындардың сұрақтарына жауаптар беріліп, қажет жағдайда кеңес ұсынылды. Бұл шаралар қоғамның денсаулығын сақтау және АИТВ инфекциясының алдын алу бойынша ақпараттандыруды күшейтуге бағытталды.