Жаңалықтар

🔰Жамбыл облыстық ЖИТС орталығының Клинико-диагностикалық зертханасының меңгерушісі, тәжірибелі маман В.Каримова орталық қызметкерлеріне «АИТВ инфекциясына жедел тест қолдану арқылы тестілеу» және «Құрғақ капиллярлық қан тамшысын алу, сақтау және жеткізу» тақырыбы бойынша арнайы оқыту жұмыстарын жүргізді.
🔹Оқыту барысында Венера Мейрхановна әріптестеріне жедел тестілеудің маңызды тұстарын атап өтті, соның ішінде тесті дұрыс алу тәртібі, сынамалармен жұмыс істеу ережелері мен лабораториялық құрал-жабдықтарды қолдану жөніндегі маңызды кеңестер берді. Сонымен қатар, диагностикалық қателіктердің алдын алу және дұрыс нәтижелерге жету үшін қандай шаралар қолданылуы керектігі жөнінде түсіндірілді.
✅Бұл оқыту шарасы қызметкерлердің кәсіби біліктілігін арттырып, облыстағы АИТВ жұқпасының алдын алу және ерте диагностикалауға бағытталған жұмысты жетілдіруге мүмкіндік береді.

🔹Жамбыл облыстық ЖИТС орталығының психологы М. Бегманова мен мейірбике А. Оракова Жекпе-жек спорт клубында және облыстық мамандандырылған балалар мен жасөспірімдер спорт мектебінде АИТВ/ЖИТС-тің алдын алу және түсіндіру жұмыстарын жүргізді.
🔹Әртүрлі спортшылар қатысқан дөңгелек үстел барысында АИТВ/ЖИТС-тің жұғу жолдары мен сақтану шаралары туралы толық ақпарат берілді. Кездесу соңында қатысушылар өз еріктерімен жедел тест тапсырып, өздерінің АИТВ мәртебесін анықтады.
✅Бұл шаралар жастар арасында АИТВ/ЖИТС туралы ақпараттандыруды арттыру және алдын алу жұмыстарын күшейту мақсатында ұйымдастырылды.

🔰Жамбыл облыстық ЖИТС орталығының бас дәрігері Бағлан Кыдырбаев және «Volontergroup08» қоғамдық бірлестігінің төрағасы Рустам Ташметов «Қазақстан Халық партиясы» ҚБ Жамбыл облыстық филиалының төрағасы Бастаубаева Жанат Абдуалиқызының қабылдауында болды.
🔹Кездесу барысында ЖИТС орталығының бас дәрігері Бағлан Джарлықасынұлы «Халықтың негізгі топтары мен АИТВ инфекциясымен өмір сүретін адамдарды алдын-алу бағдарламаларымен қамту мақсатында мемлекеттік әлеуметтік тапсырыс қаражатын бөлу» мәселесі туралы айтты. Сонымен қатар, АИТВ инфекциясының алдын алу және осы мәселеге байланысты қоғамдық жауапкершілікті арттыру бағытында атқарылып жатқан жұмыстар туралы да сөз қозғады.
✅Жанат Абдуалиқызы айтылған ұсыныстарды тыңдап, оларды тиісті мемлекеттік органдарға айтатынын жеткізді. Ол сондай-ақ, өңірдегі әлеуметтік мәселелерді шешу үшін мемлекеттік мекемелердің қоғамдық ұйымдармен тығыз ынтымақтастықтың маңыздылығын атап өтті.

🔰Тараз қаласының білім бөлімінің №31 орта мектебінде облыстық ЖИТС орталығының психологы Г. Шамурзаева оқушылармен АИТВ инфекциясының алдын алу туралы маңызды дәріс өткізді. Бұл шараның мақсаты – жасөспірімдер арасында АИТВ/ЖИТС туралы дұрыс ақпарат беру және олардың осы инфекцияның таралу жолдары мен алдын алу шаралары туралы білімін арттыру болды.
🔹Дәріс барысында Г. Шамурзаева АИТВ/ЖИТС туралы негізгі ақпараттарды ұсынып, инфекцияның таралу жолдарын жан-жақты түсіндірді. Оқушыларға АИТВ-ның адам ағзасына қалай әсер ететіндігі және оны жұқтырудың мүмкін жолдары, сондай-ақ инфекцияның алдын алу тәсілдері туралы мәлімет берілді.
🔹Дәріс барысында бейнемазмұн көрсетіліп, арнайы дайындалған ақпараттық бүктемелер таратылды. Сонымен қатар, Г. Шамурзаева дәрісте «Стигма мен кемсітушілік» тақырыбына да тоқталып, әрбір адамға құрметпен қараудың және адамгершілік құндылықтарды сақтау қажеттілігін атап өтті.

🔰Жамбыл облыстық ЖИТС-тің алдын алу орталығының мәжіліс залында негізгі топ өкілдеріне арналған тренинг өтті. Іс-шара қауіпсіз жыныстық қатынас және АИТВ-ің байланысқа дейінгі алдын алудың (PrEP) тақырыптарына арналды. Қатысушылар заманауи алдын алу шаралары, соның ішінде PrEP қабылдау схемалары, тұрақты тестілеудің маңызы және АИТВ-пен өмір сүретін адамдар мен негізгі топтарға қатысты стигманы азайту жолдары туралы талқылады.
🔹Тренинг интерактивті форматта өтті, бұл қатысушыларға тек маңызды ақпарат алуға ғана емес, сонымен қатар тәжірибе алмасуға, топтық ойындарға қатысуға және медицина мамандарына көкейкесті сұрақтар қоюға мүмкіндік берді. ЖИТС орталығының дәрігерлері PrEP-тің қалай жұмыс істейтінін жан-жақты түсіндіріп, барлық сұрақтарға жауап берді.
🔹Тренингті community health ambassador Рахимов Зарфижон және дерматолог-дәрігер Стратула Евгения Ивановна өткізді. Іс-шара нәтижесінде қатысушылар сенімді ақпарат алып, жаңа таныстықтар орнатып, өз денсаулығына саналы түрде қараудың маңыздылығын түсінді.

🔰2025 жылдың 14 ақпанында №8 қалалық емханасында АИТВ/ЖИТС инфекциясын алдын алуға арналған семинар өтті. Бұл маңызды шараға медициналық қызметкерлер қатысып, АИТВ инфекциясының таралуы, оның алдын алу және анықтау әдістері туралы ақпараттар алды. Семинар «АИТВ/ЖИТС-тің Қазақстан Республикасындағы және Жамбыл облысындағы эпидемиологиялық жағдайы. АИТВ/ЖИТС бойынша нормативтік-құқықтық актілер. АИТВ/ЖИТС-тің алдын алу» тақырыбында өткізілді.
🔹Семинарды Жамбыл облыстық ЖИТС орталығының АИТВ-инфекциясын эпидемиологиялық қадағалау бөліміннің эпидемиолог дәрігері И.Дегтерева және емдеу алдын алу көмек бөлімінің инфекционист дәрігері К.Сметова жүргізді. Олар АИТВ инфекциясының алдын алу шаралары мен емдеу әдістері бойынша ақпараттар ұсынды және мамандардың инфекциямен күресу үшін қажетті білім мен дағдыларды меңгеру қажеттілігін атап өтті. Сонымен қатар, семинарда АИТВ инфекциясының кеш анықталуының алдын алу мәселелері талқыланды. Бұл шараның маңызды бөлігі ретінде АИТВ, сифилис және гепатит С-тің анадан балаға берілуінің алдын алу және АИТВ инфекциясын анықтау, алдын алу және емдеу мәселелері қозғалды.
✅Семинардың қорытындысы бойынша қатысушылар АИТВ/ЖИТС инфекциясын алдын алу және емдеу бойынша мол ақпарат алып, білімдерін арттырды.

🔰Ағымдағы жылдың 14 ақпанында «Доктора Абдуалиева медициналық орталығы» ЖШС базасында «АИТВ/ЖИТС-тің Қазақстан Республикасындағы және Жамбыл облысындағы эпидемиологиялық жағдайы. АИТВ/ЖИТС бойынша нормативтік-құқықтық актілер. АИТВ инфекциясына тестілеу ережелері. АИТВ/ЖИТС» тақырыбында семинар өткізілді. Семинардың негізгі мақсаты – қатысушыларды АИТВ инфекциясының таралу деңгейі мен оған қарсы жүргізіліп жатқан шаралар, сондай-ақ АИТВ инфекциясын тестілеу ережелері мен алдын алу шаралар туралы ақпараттандыру болды.
🔹Аталған семинарды Жамбыл облыстық ЖИТС орталығының АИТВ-инфекциясын эпидемиологиялық қадағалау бөліміннің эпидемиолог дәрігері Г.Ахметова және емдеу алдын алу көмек бөлімінің дәрігері Г.Байдаулетова жүргізді. Олар өздерінің тәжірибесі мен білімдерін бөлісіп, қатысушыларға АИТВ инфекциясының таралуына қарсы күрестің маңыздылығын түсіндірді.
🔹Семинарда АИТВ/ЖИТС -тің алдын алу шаралары мен АИТВ инфекциясын диагностикалау тақырыбы да кеңінен талқыланды. Инфекцияның таралуын болдырмау үшін қандай алдын алу шараларды қолдану керектігі, сондай-ақ, АИТВ инфекциясымен өмір сүретін адамдарға көрсетілетін медициналық көмек жөнінде ақпарат берілді. Сонымен қатар, стигма мен дискриминация мәселесі де күн тәртібінде болды. Бұл тақырыптың өзектілігі қазіргі қоғамда АИТВ инфекциясы бар адамдарға деген теріс көзқарастар мен әлеуметтік қиындықтарды жеңу қажеттілігімен байланысты.
✅Семинардың соңында қатысушылар өздерінің сұрақтарын қойып, кәсіби мамандардан нақты жауаптар алды.

🔰Жамбыл облыстық ЖИТС орталығының АИТВ-инфекциясын эпидемиологиялық қадағалау бөлімінің эпидемиолог дәрігері С.Дулатбаева және психолог М.Бегманова Жамбыл облыстық полиция департаменті қызметкерлері үшін АИТВ инфекциясының алдын алуға арналған семинар өткізді. Семинардың мақсаты – АИТВ инфекциясының қауіптерін түсіндіру және оның алдын алу шаралары жөнінде білім беру болды.
🔹Семинар барысында облыстық ЖИТС орталығының мамандары АИТВ инфекциясының таралу жолдары, оның алдын алу тәсілдері мен инфекциядан қорғану шаралары туралы жан-жақты баяндама жасады. АИТВ инфекциясының берілу жолдары мен оны болдырмаудың маңызды әдістері егжей-тегжейлі түсіндірілді.
🔹Семинар соңында қатысушыларға АИТВ/ЖИТС туралы ақпараттық оқу материалдары таратты. Ал, эпидемиологиялық қадағалау бөлімінің мейірбикесі А.Оркова өз еріктерімен ниет білдірген полиция қызметкерлерінен АИТВ инфекциясына жедел тест алды. Бұл іс-шара қызметкерлердің жеке денсаулығына қамқорлық көрсету және АИТВ инфекциясының таралуын бақылауда ұстау үшін маңызды болды.
✅Жамбыл облыстық ЖИТС орталығы осындай семинарларды үнемі өткізіп, халық арасында АИТВ инфекциясының алдын алу бойынша ақпараттық жұмыстар жүргізіп келеді. Бұл шаралар қоғамда осы маңызды мәселе туралы түсінік қалыптастыруға және АИТВ инфекциясының таралуына қарсы күрестің тиімділігін арттыруға бағытталған.

🔹Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының мәжіліс залында ЖИТС орталығының қызметкерлеріне арналған маңызды семинар өткізілді. Бұл іс-шараның басты мақсаты – қызметкерлерге сөйлеу мәдениеті, медициналық этика және деонтология тақырыптарында терең түсінік беру, кәсіби қарым-қатынас деңгейін арттыру және жұмыс барысында кездесетін этикалық мәселелерді дұрыс шешу әдістерін көрсету болды.
🔹Семинарды ЖО ЖИТС орталығы бас дәрігерінің ұйымдастыру-әдістемелік және эпидемияға қарсы жұмыс жөніндегі орынбасары Г.Калметова жүргізіп, қатысушыларға семинардың маңыздылығын түсіндірді. Гулжан Алдабергенқызы өз сөзінде дәрігерлер мен медициналық қызметкерлердің кәсіби мәдениеті мен моральдық жауапкершілігінің жоғары болуы қажет екендігін және бұл қасиеттердің науқастарға медициналық көмек көрсету сапасына тікелей әсер ететінін атап өтті. Сондай-ақ, дәрігерлер мен медициналық қызметкерлердің жұмыс барысында этикалық талаптарды сақтау олардың кәсіби имиджін қалыптастырып, науқастармен дұрыс қарым-қатынас орнатуға мүмкіндік беретіндігін ескертті.​
🔹Семинар барысында медициналық көмек көрсету барысында науқастардың құқықтарын құрметтеу, олардың жеке өмірін қорғау, сондай-ақ науқастармен адамгершілік қатынас орнатудың мәні туралы айтып өтті. Сонымен қатар, қызметкерлерге науқастармен дұрыс сөйлесу, олардың мәселелеріне назар аудару, сұрақтарына түсінікті әрі нақты жауап беру дағдылары бойынша кеңестер берілді. Қарым-қатынас мәдениеті тек науқастармен ғана емес, әріптестермен де дұрыс әрі тиімді жұмыс істеу керектігі айтылды.
🔹Семинар соңында қатысушылар этикалық сұрақтарға қатысты өз тәжірибелерімен бөлісіп, алған білімдерін жұмыс барысында қалай пайдалану керектігі туралы пікір алмасып, тәжірибе алмасты.