Бейнегалерея

🔹Репродуктивтік денсаулық апталығына орай Жамбыл облыстық АИТВ инфекциясының алдын алу және оған қарсы күрес жүргізу орталығының эпидемиолог дәрігері И. Досымова Байзақ аудандық орталық емханасында “Әйелдер денсаулығы“ тақырыбында жүкті әйелдерге арналған семинар-кеңес өткізді. Іс-шараға болашақ аналар мен акушер-гинеколог мамандары қатысты.
🔹Іс-шараның негізгі мақсаты – АИТВ инфекциясының алдын алу, әйелдердің ұрпақты болу жүйесі туралы хабардарлығын арттыру, тұрақты медициналық тексерулердің маңыздылығын түсіндіру және өмірдің барлық кезеңінде өзін-өзі күту мәдениетін қалыптастыру.
🔹Семинар барысында И. Досымова АИТВ инфекциясының таралу жолдары, жұқтыру қауіпі, алдын алу шаралары және жүктілік кезіндегі ананың денсаулығын бақылаудың маңыздылығы туралы жан-жақты ақпарат берді. Сонымен қатар, ол ана мен баланың денсаулығын сақтау үшін ерте диагностика мен тұрақты тексерулердің маңызды екенін ерекше атап өтті.
🔹Шара барысында Байзақ аудандық емханасының гинеколог маманы М. Қожахмет әйелдерге жүктіліктің алдын ала жоспарлануы, өмір салтын дұрыс ұстану, тамақтану тәртібі, қажетті дәрумендерді қабылдау жөнінде нақты дәрігерлік кеңестер берді. Сонымен қатар ол әрбір әйелдің денсаулығы – болашақ ұрпақтың саулығының кепілі екенін тілге тиек етті.
✅Семинар соңында қатысушылар тарапынан түрлі сұрақтар қойылып, мамандар тарапынан нақты жауаптар мен кеңестер берілді.

2025 жылдың 12-16 мамыр аралығында елімізде репродуктивті денсаулық апталығы өтуде. Осы апталық аясында Байзақ ауданында жастардың денсаулығын нығайтуға бағытталған бірқатар іс-шаралар ұйымдастырылды.
🔹Жамбыл облыстық ЖИТС орталығының эпидемиолог-дәрігері И.Досымова Байзақ ауданының колледж студенттеріне арнап «Отбасын жоспарлау» тақырыбында танымдық дәріс оқыды. Шара барысында жастарға бейнероликтер көрсетіліп, семинар-тренингтер ұйымдастырылды. Дәріс барысында студенттерге репродуктивті денсаулықтың маңыздылығы мен оның өмір сапасына әсері жан-жақты түсіндірілді.
🔹Гинеколог маман М.Қожахмет және Жастар денсаулық орталығының меңгерушісі Ж.Мырзаева апталықтың негізгі мақсатын түсіндіріп, жастар арасында жауапкершілікпен қарау мәдениетін қалыптастырудың маңызын атап өтті.
🔹Сондай-ақ, «Байзақ» жастар денсаулық орталығының психологы А.Смағұлова психоэмоционалды жағдайды тұрақтандыруға бағытталған тренингтер өткізіп, студенттердің өз денсаулығына деген саналы көзқарасын қалыптастыруға үлес қосты.
🔹Облыстық ЖИТС орталығының маманы жастарға жыныстық қатынасқа ерте түсудің салдарлары мен АИТВ, ЖЖБИ жұқтырудың алдын алу шараларын түсіндірді. Іс-шара аясында өз еркімен ниет білдірушілерден экспресс-тест алынып, ақпараттық бүктемелер таратылды.
🔹Мамандар 18 мамыр – ЖИТС-тен қайтыс болғандарды еске алудың Халықаралық күні екенін еске салып, жастарды ЖИТС -ке қарсы күресте бірлікке шақырды.
✅Бұл апталық – жастардың репродуктивті сауаттылығын арттырып, оларды физикалық, психологиялық және әлеуметтік жағынан қолдауға бағытталған маңызды қадам.

🔹Репродуктивті денсаулық апталығына орай Тараз қаласындағы М.Әуезов атындағы №33 мектебінің жоғары сынып оқушылары үшін ерекше дәріс ұйымдастырылды. Шараны Жамбыл облыстық ЖИТС-тың алдын алу және онымен күрес жүргізу орталығының психологы Г.Шамурзаева өткізді.
🔹Бұл шаралардың басты мақсаты — жастар арасында салауатты өмір салтын насихаттап, репродуктивті денсаулықты сақтау мәдениетін қалыптастыру, сондай-ақ АИТВ мен ЖЖБИ-дің алдын алу бойынша кешенді түсіндіру жұмыстарын жүргізу.
🔹Дәріс барысында оқушылар АИТВ инфекциясы туралы толық ақпарат алды: жұғу жолдары, алдын алу тәсілдері және инфекцияның адам ағзасына әсері жан-жақты түсіндірілді. Сонымен қатар, бейнематериал көрсетіліп, ақпараттық парақшалар таратылды.
🔹Сонымен қатар 18 мамыр – ЖИТС-тен көз жұмғандарды еске алу күні екенін атап өтті. Одан әрі «Стигма мен кемсітушілік» тақырыбын қозғап, әр адамға құрметпен қараудың маңызын түсіндірді.
✅Бұл шара жасөспірімдердің жауапкершілік пен адамгершілік туралы түсінігін кеңейтті және салауатты өмір салтына бағыттады.

🔹Тараз қаласының білім бөлімінің №32 орта мектебінде Жамбыл облыстық ЖИТС алдын алу және онымен күрес жүргізу орталығының психологы Г.Шамурзаева жоғарғы сынып оқушыларына арналған маңызды дәріс өткізді. Шараның басты мақсаты – жасөспірімдерге АИТВ/ЖИТС туралы дұрыс әрі нақты ақпарат беру, инфекцияның таралу жолдары мен алдын алу шаралары туралы білімдерін арттыру болды.
🔹Дәріс барысында психолог маман оқушыларға АИТВ инфекциясы туралы негізгі мәліметтерді ұсынып, адам ағзасына әсері және жұғу жолдары туралы жан-жақты түсіндірме жасады. Сонымен қатар, АИТВ инфекциясынан қорғану жолдары мен алдын алу тәсілдері туралы маңызды ақпарат берілді.
🔹Кездесу кезінде бейнебаян көрсетіліп, арнайы дайындалған ақпараттық бүктемелер таратылды. Бұл оқушылардың тақырыпты тереңірек түсінуіне септігін тигізді.
🔹Г. Шамурзаева 18 мамыр – ЖИТС-тен қайтыс болғандарды еске алудың Халықаралық күні екенін атап өтіп, бұл күннің маңыздылығына тоқталды. Сонымен қатар, «Стигма мен кемсітушілік» тақырыбы қозғалып, әр адамға құрметпен қарау, адамгершілік құндылықтарды сақтау қажеттілігі түсіндірілді.
✅Аталған іс-шара оқушылардың АИТВ/ЖИТС туралы түсінігін кеңейтіп, жауапкершілік пен әлеуметтік сананың қалыптасуына ықпал етті.

🔰Жамбыл облыстық ЖИТС орталығы сіздерге “Әлеуметтік желідегі кампания” айдары аясында АИТВ инфекциясына қарсы күрестің ресми символы — Қызыл лента туралы бейнероликті ұсынады.

🔹Жамбыл облыстық ЖИТС алдын алу және онымен күрес жүргізу орталығының мамандары Тараз сервис және технология колледжінің студенттерімен кездесу өткізді. Іс-шара аясында “Салауатты ұрпақ – 2025” тақырыбында семинар ұйымдастырылды.
🔹Семинардың негізгі мақсаты – жастар арасында репродуктивті денсаулықты сақтау мәдениетін қалыптастыру, сондай-ақ жыныстық жолмен берілетін инфекциялар (ЖЖБИ) мен адамның иммун тапшылығы вирусының (АИТВ) алдын алу жөнінде кешенді түсіндіру жұмыстарын жүргізу.
🔹Іс-шара барысында мамандар студенттерге АИТВ инфекциясының жұғу жолдары, алдын алу шаралары, стигма мен кемсітушілік мәселелері туралы жан-жақты ақпарат берді. Сонымен қатар, 18 мамыр -ЖИТС салдарынан қаза тапқандарды еске алу халықаралық күні екені атап өтілді.
✅Кездесуде студенттер мамандарға көкейлеріндегі сұрақтарын қойып, нақты жауаптар алды.

🔹ЖИТС орталығының мамандары жастар арасында репродуктивті денсаулықты сақтау және ЖЖБИ/АИТВ-дың алдын алу мақсатында ақпараттық іс-шара өткізді.

🔰Жамбыл облыстық ЖИТС-тің алдын алу және оған қарсы күрес орталығының эпидемиолог дәрігері И. Досымова №5 қалалық емханада “Салауатты Ұрпақ – 2025” атты тақырыпта дәріс өткізді.
🔹Іс-шараның мақсаты – жастардың репродуктивті денсаулығы және ЖЖБИ/АИТВ-ға қарсы іс-қимыл жүргізу, жастар арасында ВИЧ/ЖИТС инфекциясының алдын алу, салауатты өмір салтын насихаттау және қауіпсіз мінез-құлық дағдыларын қалыптастыру.
Дәрісте медициналық колледжінен 57 студент қатысты. Қатысушыларға ВИЧ инфекциясының берілу жолдары, қорғану шаралары және ерте диагностиканың маңыздылығы жөнінде жан-жақты ақпарат берілді. Сонымен қатар, дәріс барысында сұрақ-жауаптар, топтық жұмыстар арқылы студенттердің белсенділігі артты.
🔹Іс-шара соңында қатысушылар өздерін толғандырған сұрақтарын қойып, маман тарапынан нақты жауаптар алды.

Жамбыл облыстық ЖИТС орталығының психологы М.Бегманова “Астана” көпсалалы колледжінде студенттермен кездесіп, жастардың денсаулығын сақтау, АИТВ/ЖИТС-тің алдын алу және салауатты өмір салтын насихаттауға арналған флешмоб өткізді.
🔹Іс-шара барысында қауіпсіз мінез-құлық пен алдын алу шаралары жайлы ақпарат берілді. Сонымен қатар, 18 мамыр – ЖИТС салдарынан қаза тапқандарды еске алу күні екенін еске салды.

⚜️Жамбыл облыстық ЖИТС орталығында 12 мамыр – Халықаралық мейіргерлер күніне арналған салтанатты кеш ұйымдастырылды.
⚜️Іс-шара барысында орталық басшысы Қыдырбаев Бағлан Жарылқасынұлы сөз сөйлеп, ақ халатты абзал жандарды кәсіби мерекелерімен шын жүректен құттықтады. Ол мейіргерлердің қоғамдағы маңызды рөліне тоқталып, олардың денсаулық сақтау саласына қосқан өлшеусіз үлесін ерекше атап өтті.
⚜️Сондай-ақ мерекелік жиында бас дәрігердің орынбасары Калметова Гүлжан Алдабергенқызы, Кәсіподақ комитетінің төрағасы Сатмаханова Ләйлә Ораковна және “Аманат” партиясы жанындағы “Иммунитет” бастауыш партия ұйымының төрағасы Малимов Алтайхан Әлмаханбетұлы құттықтау сөз сөйлеп, мейіргерлерге шығармашылық табыс, мықты денсаулық және еңбекте табыс тіледі.
⚜️Кеш барысында бірқатар мейіргерлер Жамбыл облысы әкімдігінің денсаулық сақтау басқармасының, “Аманат” партиясының “Иммунитет” БПҰ-ның Құрмет грамоталары және Алғыс хаттарымен, сондай-ақ “Жамбыл облысы мейіргер ісі мамандарының кәсіби бірлестігі” қоғамдық бірлестігі тағайындаған “Шарапат” төсбелгісімен марапатталды.