Бүгінгі таңда COVID-19 өз қауіптілігін жоғалтпай отыр, оны әр түрлі жолдармен, соның ішінде заманауи құрал-жабдықтарды пайдалану арқылы қарсы тұруға болады.
Ауқымды эпидемиологиялық сынақтың маңыздылығы мен өзектілігін мойындай отырып, Жамбыл облыстық ЖИТС алдын алу және онымен күрес жүргізу орталығы АИТВ қан сынауларынан басқа, қазіргі уақытта коронавирустық инфекциямен күресте COVID-19 ПТР сынағын өткізіп, өз үлесін қосуда.
– Біздің денсаулық сақтау жүйесі коронавирус індетін тежеу үшін айтарлықтай күш-жігер жұмсайды.. Ол үшін үлкен адами және қаржылық ресурстар жұмылдырылған, – деді ЖИТС орталығының бас дәрігері Ерлан Исмагулов. – Біз де шетте қалмаймыз және инфекцияны тез арада жою және халықтың қалыпты тұрақты өмір сүру салтына оралу үшін өз әлеуетімізді белсенді пайдаланамыз. 29 сәуірден бастап біздің орталықта коронавирустық инфекцияға зерттеу жүргізу басталды.
Жамбыл Облыстық ЖИТС орталығы тексерулердің барлық түрлері үшін қызметкерлерді қорғау мақсатында ресей өндірісінің микробиологиялық қауіпсіздік бокстарын сатып алды. Жабдық ауа-тамшы жолымен берілетін патогенді агенттермен және микроорганизмдермен жұмыс істеу кезінде оператордың жұқтыру қаупін азайтуға, қоршаған ортаны қорғауға, сондай-ақ өнімді сыртқы ластанудан немесе айқас контаминациядан қорғауға мүмкіндік береді.
Онда өлшенген бөлшектерден тазарту жүйесі, ауаны рециркуляциялау, көрнекі және дыбыстық сигнал беру функциясы, УК-сәулелендіргішті ажырату және т.б. жұмыс істейді.
Бүгінгі таңда COVID-19 зертханалық тестілеуге ЖИТС орталығына 13 медициналық ұйым, оның ішінде тек облыс орталығының медициналық мекемелері ғана емес, сонымен қатар Меркі, Т. Рысқұлов, Сарысу және Талас аудандарының аудандық орталық ауруханасында талдау жасап жатыр.
