17 мамыр күні Жамбыл облысы әкімдігінің Жамбыл облыстық білім басқармасының баспасөз орталығында Халықаралық ЖИТС қайтыс болған адамдарды еске алу күніне орай, «Өмір сүруге есте сақтаймыз» тақырыбында онлайн дәріс өткізілді. Қосымша білім беру және тәрбиелеу бөлімінің басшысы Дарибаева Гүлзира, АИТВ өзектілігіне байланысты, жасөспірімдердің денсаулығын әр түрлі аурулардан қорғау мақсатында осындай шаралар үнемі өткізіліп тұратынын айтты. Облыстық ЖИТС орталығының педагогы Жакенова Рахима жыл сайын мамыр айының 3-ші жексенбісінде бүкіл әлемде ЖИТС қайтыс болғандарды еске алу күні өтетінін айтты. ЖИТС – әлемдегі мәселелердің бірі. Халықаралық ЖИТС қайтыс болған адамдарды еске алу күні – бұл өмірден озған адамдарды еске алатын, біздің махаббатымыз бен қамқорлығымыз тірі адамдарға қажет екенін ұғындыратын күн. Бұл күн ЖИТС барлығына әсер етуі мүмкін екендігі туралы ойландырады. Сонымен қатар, салауатты өмір салтына, адами құндылықтарды растауға және есірткі қолдану, ретсіз жыныстық қатынастан бас тартуға, зорлық-зомбылық пен маскүнемдікке қарсы тұруға талпындырады. Тек педагогтар, медициналық қызметкерлер мен ата-аналардың бірлескен күш-жігері арқылы ғана жасөспірімдердің АИТВ алдын алу шаралары бойынша білімін арттыруға қол жеткізуге болады.

Онлайн дәріске 392 орта мектебі, 784 педагог, психолог, 450 маман облыстан қатысты.