2020 жылдың 30 қазанында облыстық білім басқармасында «Мектеп жағдайында АИТВ инфекциясының алдын алу» тақырыбында онлайн семинар өткізілді. Семинар 2020-2021 оқу жылына бекітілген бірлескен іс-шаралар жоспарына сәйкес өткізілді. Оқу-әдістемелік кабинетінің маманы Дәулетқұлова Айжамал оқу орнының педагогтары мен психологтарына 8-11 сынып оқушыларына АИТВ-ның алдын алу мәселелері бойынша тұрақты іс-шаралар өткізу туралы еске салды, өйткені жас ұрпақ берілу жолдары мен қауіпсіз мінез-құлық дағдылары туралы хабардар болуы тиіс. Жамбыл облыстық ЖИТС орталығының педагогы Жакенова Рахима жасөспірімдер арасында АИТВ-ның алдын алуда педагогтар мен ата-аналардың рөлі туралы айтып, АИТВ-ның берілу жолдары мен алдын алу шаралары, алғашқы белгілері, тестілеу түрлері, есірткі заттарын пайдалану белгілері туралы еске салды. Семинарға 111 оқу орны қатысты.
