Без рубрики

Жамбыл облыстық ЖИТС-тің алдын алу және онымен күрес жүргізу орталығының психолог мамандары Г. Шамурзаева және М. Бегманова Тараз қаласында орналасқан «ОЗАТ»
жекеменшік мектебінің жоғары сынып оқушыларына арналған қазақ және орыс тілдерінде ақпараттық дәріс өткізді.
Кездесу барысында мамандар Қазақстан Республикасындағы және Жамбыл облысындағы АИТВ инфекциясының ағымдағы эпидемиологиялық жағдайына тоқталып, өңірде атқарылып жатқан алдын алу шаралары мен тұрақты ақпараттық жұмыстардың маңыздылығын түсіндірді.
Дәріс барысында АИТВ инфекциясының, жыныстық жолмен берілетін инфекциялардың (ЖЖБИ) және басқа да жұқпалы аурулардың алдын алу жолдары, қауіпсіз мінез-құлық қағидалары, сондай-ақ салауатты өмір салтын ұстанудың маңызы туралы кең көлемде ақпарат берілді. Сонымен қатар, тақырыпты нақтылай түсу мақсатында танымдық бейнеролик көрсетіліп, оқушылардың белсенділігін арттыру үшін тақырыпқа сай ойын ойнатылды.
Оқушылар өздерін толғандырған сұрақтарын қойып, мамандар тарапынан жан-жақты әрі кәсіби жауаптар алды.
Іс-шараның басты мақсаты – жастар арасында денсаулыққа жауапкершілікпен қарау мәдениетін қалыптастыру, сондай-ақ стигма мен кемсітушіліктің алдын алу болып табылады.

«АИТВ-ға қарсы күрестегі қиындықтардан – тиімді өзгерістерге» ұранымен Жамбыл облысында ақпараттық науқан жалғасуда.

Осы науқан аясында Тараз қаласының негізгі көшелерінде тұрғындардың назарын аударуға бағытталған әлеуметтік жарнамалар орналастырылды:
Төле би – Абай көшелерінің қиылысында орналасқан LED экраннан
➡️ «АИТВ-ға тест тапсырыңыз – өзіңізді және жақындарыңызды қорғаңыз!»
деген бейнеролик көрсетілуде.

📍 Төле би – Желтоқсан көшелерінің қиылысында
«АИТВ-ға қарсы күрестегі қиындықтардан – тиімді өзгерістерге» деген ұран жазылған айналмалы жарнамалық тақта (призматрон) орнатылды.

Жамбыл – Сәтбаев көшелерінің қиылысында орналасқан сыртқы жарнама тақтасында
➡️ «Өз өміріңізді қауіпсіз етіңіз. АИТВ-ға тексеруден өтіңіз!» және
➡️ «Сделайте свою жизнь безопасной. Пройдите обследование на ВИЧ!»
деген екі тілдегі жарнама ілінді.

Ал Төле би – Жамбыл көшелерінің қиылысында
«АИТВ-ға тест тапсырыңыз – өзіңізді және жақындарыңызды қорғаңыз!»
деген жазуы бар тағы бір сыртқы жарнама тақтасы орнатылды.

Бұл бастама – Жамбыл облыстық ЖИТС-тің алдын алу және онымен күрес орталығының тұрғындардың хабардарлығын арттыру және ерте тестілеуді насихаттау бағытындағы жұмысының бір бөлігі.

Жамбыл облыстық ЖИТС-тың алдын алу және оған қарсы күрес орталығының психолог маманы Г.Шамурзаева, медбикелер А.Кокибаева мен А.Науанова Тараз қаласындағы Самал мөлтек ауданында орналасқан бірқатар қоғамдық және кәсіпкерлік нысандарда ақпараттық-ағарту жұмыстарын ұйымдастырды.

Іс-шара барысында қала тұрғындарына АИТВ инфекциясының берілу жолдары, жеке сақтану әдістері мен алдын алу шаралары жөнінде кең көлемде ақпарат берілді.

Тұрғындардың ақпараттық сауаттылығын арттыру мақсатында ақпараттық парақшалар таратылып, мамандар тарапынан қажетті кеңестер ұсынылды.

Жамбыл облыстық ЖИТС-тің алдын алу және онымен күрес жүргізу орталығының мобильді тобы Тараз қаласындағы бірқатар ұйымдар мен кәсіпорындарды аралап, тұрғындармен алдын алу шаралары бойынша кездесулер өткізді.

🔹 QazPost, Отбасы банкі, ForteBank, “Make Smile” стоматологиясы, “Еркебұлан” зергерлік салоны және басқа да сауда орындарында өткен іс-шара барысында жұқпаның таралу жолдары мен қорғану әдістері түсіндірілді.

📄 Келушілерге ағартушылық мазмұндағы парақшалар таратылып, мамандар сауалдарға жауап беріп, кеңес ұсынды.

Жамбыл облыстық ЖИТС-тің алдын алу және оған қарсы күрес орталығында жемқорлық қаупіне қатысты ішкі сараптама жүргізілуде. Аталған жұмыстың негізгі мақсаты – мекемедегі жемқорлық тәуекелдерін анықтап, оның алдын алу тетіктерін жетілдіру.

Осыған байланысты, орталықтың комплаенс қызметінің маманы Мадина Есдәулетова АИТВ-ға қарсы алдын алу және емдеу бөлімінің ұжымымен кездесу өткізіп, түсіндіру жұмысын жүргізді. Кездесу барысында маман қатысушыларды ашық пікір алмасуға шақырып, барлық сұрақтарға нақты жауап берді.

Қосымша ақпарат немесе жеке кеңес қажет болған жағдайда комплаенс офицеріне тікелей хабарласуға болады.

Сіздерді кәсіби мерекеміз – 15 маусым – Медицина қызметкерлері күнімен шын жүректен құттықтаймын!
⚜️Медицина – бұл жай ғана мамандық емес, бұл – үлкен жүрек пен шексіз мейірімді талап ететін ізгілікті кәсіп. Сіздер күнделікті тынымсыз еңбектеріңізбен адамдарға үміт сыйлап, өмірлерін сақтап, денсаулықтарын жақсартуға көмектесіп келесіздер. Сіздердің кәсіби істеріңіздің адалдығына және қоғам алдындағы үлкен жауапкершілігіне шексіз ризашылығымды білдіремін.
⚜️Осы қуанышты күнде Сіздерге зор денсаулық, отбасыларыңызға амандық, жұмыстарыңызға табыс, жаңа жетістіктер мен кәсіби биіктер тілеймін! Орталығымыз алдағы уақытта да жаңашылдық пен сапаны алға қойып, халық денсаулығын жақсарту жолында табысты еңбек ете береді деп сенемін.

⚜️Мерекелеріңізбен, құрметті әріптестер!
Жарқын болашақ жолында бірлесе еңбек етейік!

Ізгі тілекпен,
Қыдырбаев Бағлан Жарылқасынұлы
Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының бас дәрігері.

⚜️Медицина қызметкерлері күніне орай Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының бірқатар қызметкерлері денсаулық сақтау саласындағы қажырлы еңбегі, медициналық мамандықтың беделін арттыруға қосқан үлесі үшін түрлі деңгейдегі марапаттарға ие болды.

📍ҚР ДСМ «Денсаулық сақтау ісіне қосқан үлесі үшін» төсбелгісімен Сембиева Багдат Жомартовна.

📍ҚР ДСМ Алғыс хатымен Стратула Евгения Ивановна.

📍Жамбыл облысы әкімдігінің Құрмет грамотасымен Абдикеримова Орынкул Жетесқызы.

📍Жамбыл облысы әкімдігінің Алғыс хаты Койшыбаев Еркебулан Нуржанович.

📍Денсаулық сақтау басқармасының Алғыс хатымен Байкеева Анар Тойлыбайқызы, Бегманова Мереке Сабитовна, Дулатбаева Сара Шадиярбековна, Ибрагимова Эльвира Хароновна, Турекулова Сауле Ауесбековна.

📍Жамбыл облысы әкімдігінің денсаулық сақтау басқармасы ««AQNIET» Қазақстандық денсаулық сақтау және қоғамдық қызмет көрсету қызметкерлерінің салалық кәсіптік одағы» қоғамдық бірлестігінің Жамбыл облыстық филиалының Құрмет грамотасымен Дулатбаева Сара Шадиярбековна.

📍«AMANAT» партиясының Құрмет грамотасымен Абдраманова Дуйсенкуль Ескермесовна, Цыденова Цыжип Намсараевна,Аубакирова Акмарал Алимбековна.

📍«AMANAT» партиясының Алғыс хатымен Сейдаева Улжан Жолшыбаевна, Мухаметкалиева Молдыр Нуртаевна, Салыкбаева Алуа Шардарбековна.

📍Жамбыл облыстық ЖИТС орталығының Грамотасымен Еркулова Дурия Оксукбаевна, Ниязалиева Фируза Аскаровна, Жакипова Айгул Абдрахимовна, Винюкова Людмила Петровна, Дубаева Күлжамал Тұрсыновна

✅Бұл марапаттар – ұжым мүшелерінің кәсібилігіне, еңбегіне және қоғам денсаулығын сақтауға қосқан зор үлесіне берілген әділ баға.

Я- Иргебаева Айгерим Умиргалиевна, врач-эпидемиолог.

🔹Медицина для меня не просто профессия, это жизненный путь, результат выбора, сделанного сердцем.

🔹В 2014 году я окончила Казахский национальный медицинский университет имени С.Д.Асфендиярова по специальности «Общественное здравоохранение». Я врач первой категории. Трудовую деятельность начала с должности госпитального эпидемиолога в системе стационарной и первичной медико-санитарной помощи. Этот период дал мне глубокое понимание важности реального опыта и ответственности.

🔹В данное время я работаю врачом-эпидемиологом в Жамбылском областном центре профилактики и борьбы с СПИД. Здесь каждый день – это новый вызов, каждое решение – важный шаг, влияющий на здоровье населения. Мы боремся не только с болезнями, но и со стигмой и дискриминацией в обществе, блокируя распространение ВИЧ-инфекции.

✅Я отправляю республиканский челлендж «Почему я выбрала медицину?» всем своим коллегам, которые, как и я, носят белые халаты и трудятся ради здоровья народа!