Жаңалықтар

Жамбыл облыстық АИТВ-инфекциясын алдын алу орталығының эпидемиолог дәрігері С.Дулатбаева және эпидемиолог көмекшісі Д.Сабиржанова Тараз қаласы Полиция басқармасы қызметкерлеріне АИТВ-инфекциясын алдын алу бойынша семинар өткізді.Семинарды Тараз қаласы Полиция басқармасы бастығының кадр саясаты жөніндегі орынбасары, полиция подполковнигі Сәлемов Берік Жақсылықұлы ашып, қатысушыларға семинардың маңыздылығын атап өтті.Семинар барысында Сара Шадиярбекқызы АИТВ/ЖИТС бойынша дүние жүзіндегі сондай-ақ, Қазақстан мен Жамбыл облысындағы эпидемиологиялық жағдайы, АИТВ жұқтыру жолдары, оның алдын алу шаралары түсіндіріп, инфекцияның  денсаулыққа тигізетін әсері туралы баяндады. Қоғамдағы АИТВ-ға қатысты стигма мен кемсітушілік мәселелері де қаралып, науқастарға дұрыс көзқарас қалыптастыру қажеттілігі атап өтілді.Семинар өту кезінде Жамбыл облыстық АИТВ-инфекциясын алдын алу орталығының медбикелері Г.Иманбаева, А.Оракова, ниет ниет білдіруші қатысушылардан ИФТ сынамасы үшін қан алды. Қан алынған қызметкерлерге сынама нәтижелері жеке түрде беріледі, ал қажет болған жағдайда қосымша кеңестер мен денсаулық сақтау шаралары ұсынылатын болады.Семинар соңында қатысушылар АИТВ-ға қатысты сұрақтарын қойды.

Жамбыл облыстық АИТВ-инфекциясын алдын алу орталығының эпидемиолог-дәрігері Г.Ахметова  және инфекционист-дәрігері С.Токбураева Меркі аудандық көпбейінді орталық ауруханасына АИТВ/ЖИТС алдын алу бойынша өткізілген іс-шараларды бақылау, сондай-ақ консультативті-әдістемелік көмек көрсету мақсатында 27-28 наурыз күндері жоспарлы мониторингтік сапар жасады.Семинарда Гулшат Төлегенқызы Қазақстан мен Жамбыл облысындағы АИТВ/ЖИТС жағдайы мен оны алдын алу шаралары бойынша эпидемиологиялық жағдайы, нормативтік- құқықтық актілер таныстырылды. Сондай-ақ, тестілеу және инфекцияны кәсіби жұқтыруды болдырмау үшін медициналық қызметкерлердің қауіпсіздігін қамтамасыз ету мәселелері сөз болды. Қоғамдағы АИТВ-ға қатысты стигма мен кемсітушілік мәселелері де қаралып, науқастарға дұрыс көзқарас қалыптастыру қажеттілігі атап өтілді.Сонымен қатар семинарда Сауле Дастанқызы «АИТВ инфекциясымен бірге басқа да аурулары бар науқастарды емдеу» және «Анадан балаға АИТВ, мерез және С гепатитінің берілуін болдырмау шаралары» тақырыптары бойынша түсінік жұмыстарын жүргізді. Ол инфекцияның балаға берілу жолдарын және алдын алу шараларын егжей-тегжейлі түсіндірді.Семинар соңында дәрігерлер қатысушылардың сұрақтарына жауап беріп, алған білімдерін жұмыста қолданудың маңыздылығын атап өтті.

🔰Жамбыл облыстық АИТВ-инфекциясын алдын алу орталығының эпидемиолог дәрігері С.Дулатбаева мен психолог маманы М.Бегманова Тараз қаласында орналасқан 01731 әскери бөлімі қызметкерлеріне АИТВ-инфекциясын алдын алу бойынша семинар өткізді. Семинардың мақсаты – әскери қызметкерлер арасында АИТВ инфекциясының таралуын болдырмау, алдын алу шаралары мен жұқтыру жолдары туралы ақпарат беру болды.
🔹Семинар барысында Сара Шадиярбекқызы АИТВ жұқтыру жолдарын, оның алдын алу шараларын түсіндіріп, инфекцияның денсаулыққа тигізетін әсері туралы баяндады. Сонымен қатар, Мереке Сәбитқызы психологиялық аспектілерге көңіл бөліп, денсаулық сақтау мен өз мәртебесін білу қажеттілігін түсіндіру жұмыстарын жүргізді. Психолог маман әскери қызметкерлерге ауру туралы қорқыныш пен теріс түсініктерден арылып, еркін әрі дұрыс ақпарат алу қажеттігін атап өтті.
🔹Семинар соңында әскери қызметкерлер АИТВ-ға қатысты сұрақтарын қойды. Әскери қызметкерлер орталық мамандарына жыл сайын осындай алдын алу жұмыстарын келіп жүргізуді және қызметкерлердің өз АИТВ мәртебесін білу үшін ИФТ сынамасын алса деген ойларын жеткізді. Өйткені АИТВ инфекциясы туралы түсініктерді тереңдетіп, алдын алу шараларына қатысу әрбір қызметкердің денсаулығы үшін өте маңызды екендігін айтты.
🔹Семинар өту кезінде Жамбыл облыстық АИТВ-инфекциясын алдын алу орталығының медбикелері Э.Ибрагимова мен Г.Иманбаева әскери бөлімінің 125 қызметкерінен ИФТ сынамасы үшін қан алды. Бұл шара әскери қызметкерлер арасында АИТВ мәртебесін анықтау және инфекцияның алдын алу жұмыстарына белсенді қатысу үшін ұйымдастырылды. Қан алынған қызметкерлерге сынама нәтижелері жеке түрде беріледі, ал қажет болған жағдайда қосымша кеңестер мен денсаулық сақтау шаралары ұсынылатын болады.
✅Осылайша, аталмыш семинар мен медициналық іс-шаралар әскери бөлімдегі қызметкерлер арасында АИТВ инфекциясының алдын алу туралы білімді арттыруға, денсаулық сақтау шараларына қызығушылықты оятуға және аурудың таралуын болдырмауға бағытталған маңызды қадам болды.

🔹Шу ауданы, Төле би ауылындағы «ҚазақГазАймақ» Жамбыл өндірістік филиалының Шу газ шаруашылығы мекемесінде және Шу станциясындағы “Қазақстан темір жолы” АҚ вагон жөндеушілеріне АИТВ-инфекциясының алдын алу бойынша дәріс өткізілді. Бұл шараның негізгі мақсаты – жұқпалы аурулардың алдын алу, халық арасында АИТВ инфекциясы туралы дұрыс түсінік қалыптастыру, сондай-ақ жұмысшыларға қажетті ақпаратты жеткізу.
🔹Дәрісті Жамбыл облыстық АИТВ-инфекциясын алдын алу орталығының психолог маманы М.Бегманова жүргізді. Мереке Сәбитқызы қатысушыларды осы инфекциядан қорғану үшін жеке гигиенаны сақтаудың маңыздылығын, өзара қауіпсіз қарым-қатынас жасау жолдарын және дер кезінде медициналық көмекке жүгінудің қажет екендігін атап өтті.
🔹Дәріс соңында қатысушылар өздеріне қызықтырған сұрақтарды қойып, дәріс мазмұнына қатысты пікірлерін білдірді. Бұл шараның жұмысшылардың денсаулығын қорғаудағы маңызды қадам болып табылатыны сөзсіз. Мұндай дәрістердің жиі өткізілуі АИТВ-ның таралуын төмендетуге және қоғамның осы мәселе бойынша білімін арттыруға септігін тигізеді.

🔰Жамбыл облыстық АИТВ-инфекциясын алдын алу орталығының психолог маманы М.Бегманова Шу станциясындағы Төтенше жағдайлар департаментінің өрт сөндіру және авариялық құтқару жұмыстары қызметі №5 өрт сөндіру бөлімінде және Ішкі істер бөлімінде дәріс оқыды.
🔹Бұл лекцияның мақсаты – АИТВ және оның алдын алу шаралары туралы қызметкерлерді ақпараттандыру, сондай-ақ олардың денсаулығына байланысты түсіндіру жұмыстарын жүргізу. Лекция барысында Мереке Сәбитқызы АИТВ вирусының таралу жолдары, оның алдын алу жолдары және сауықтыру шаралары туралы толық мәлімет берді. Сонымен қатар, ол АИТВ-мен өмір сүретін адамдарға қатысты қоғамда туындайтын кедергілер мен кемсітушіліктер туралы сөз қозғады.
Қатысушыларға өз денсаулығына деген жауапкершілікті сезіну, АИТВ инфекциясының алдын алу мақсатында дұрыс ақпарат алу мен сақтық шараларын сақтау маңызды екендігі туралы айтылды. Өрт сөндірушілер мен ішкі істер бөлімінің қызметкерлері бұл тақырыпқа үлкен қызығушылық танытып, сұрақтар қойып, маманның кеңестерін тыңдады.

🔰Жамбыл облыстық ЖИТС орталығының эпидемиолог дәрігері Д.Абдраманова және балалар инфекционист дәрігері Г.Темирбекова Тараз қалалық перинаталдық орталығына АИТВ/ЖИТС профилактикасы бойынша өткізілген іс-шараларды бақылау және бағалау, сондай-ақ консультативті-әдістемелік көмек көрсету мақсатында жоспарлы мониторингтік сапар жасады.
🔹Бұл сапардың негізгі мақсаты – өңірдегі медициналық ұйымдардың АИТВ инфекциясының алдын алу бойынша жүргізген жұмыстарын тексеру, тиімділігін бағалау және қажет болған жағдайда көмек көрсету.
✅Сапар аясында медициналық қызметкерлер үшін Қазақстан Республикасындағы және Жамбыл облысындағы эпидемиологиялық жағдай, АИТВ- инфекциясынан сақтанудың жолдары, АИТВ-инфекциясын жұқтырған адамдарға деген дұрыс көзқарас қалыптастыру, оларды қоғамда қабылдауға шақыру, медициналық көмекке қолжетімділікті арттыру және кемсітушілікті жою бойынша түсіндіру жұмыстары жүргізілді.

🔰Тараз-Болашақ» медициналық орталығында АИТВ-инфекциясын жұқтырудан қорғау шаралары мен алдын алу бойынша семинар өтті.
🔹Семинардың мақсаты – қатысушыларды Қазақстан Республикасындағы және Жамбыл облысындағы АИТВ- инфекциясының таралу деңгейі, АИТВ бойынша нормативтік-құқықтық актілер, кәсіби жұқтырудың алдын алу шараларымен таныстыру болды.
🔹Семинарды Жамбыл облыстық АИТВ-инфекциясын алдын алу орталығының мамандары – эпидемиолог дәрігері К.Аушенова және инфекционист дәрігері К.Сметова өткізді. Олар семинар барысында АИТВ-инфекциясы бойынша негізгі нормативтік-құқықтық актілер туралы ақпарат беріп, тексерілетін топтар мен кәсіби жұқтырудың алдын алу шараларын түсіндірді.
✅Семинар қатысушылары тарапынан сұрақтар қойылып, барлық қатысушыларға АИТВ-инфекциясын алдын алу және кәсіби жұқтырудан сақтану бойынша пайдалы ақпараттар берілді.

Жамбыл облыстық АИТВ-инфекциясын алдын алу орталығында дәстүрлі Наурыз мейрамы ерекше аталып өтті. “Қош келдің, Әз-Наурыз” атты мерекелік шара Клинико-диагностикалық зертханасы бөлімі ұйымдастырған мереке ретінде айрықша есте қалды. Қатысушылардың қуанышына бөленген бұл кештің басты мақсаты – қазақ халқының дәстүрі мен мәдениетін ұлықтау, көктем мен жаңа жылдың символы ретінде Наурыз мейрамын атап өту болды.

Мереке аясында орталықтың ауласында көптеген дәстүрлі іс-шаралар ұйымдастырылды. Орталық қызметкерлері мен қонақтары үшін басты тағам – Наурыз көже дайындалып, бауырсақ пісірілді. Оған қоса, аулаға жасыл желек отырғызылып, табиғатқа деген құрмет көрсетілді.

Мерекенің ашылу салтанатында жүргізушілер барша қатысушыларды Наурыз мерекесімен құттықтап, оның мән-маңызын сөз етті. Содан кейін Жамбыл облыстық АИТВ-инфекциясын алдын алу орталығының бас дәрігері Қыдырбаев Бағлан Жарылқасынұлына сөз берді. Бас дәрігер Наурыздың халқымыз үшін терең мағыналы мереке екенін айтып, бұл күннің жақсылыққа, жаңару мен үмітке толы екенін атап өтті. Жылдың басы тыныштық пен бейбітшілікті, денсаулық пен бақытты әкелуін тіледі, барлық қатысушыларға жайлы өмір, табысты жұмыс және отбасылық береке тіледі.

Мерекелік кеште халқымыздың ежелден келе жатқан дәстүрлерінің бірі – бата беру рәсімі орын алды. Қыдыр ата рөлінде Алтайхан Малимов  сөз алып, барша жиналғандарға жақсы тілек айтып, бата берді.

Наурыз мерекесі тек сөзбен ғана емес, әсем әндермен де өрнектелді. Айгул Жакипова мен Бағдат Жапанованың  орындауында “Наурыз көктем” әні орындалды.  Ұлбибі атты қызымыз “Аққу” биін билеп, көрермендерді таңдай қақтырды.

Мереке барысында дәстүрлі шашу рәсімі де өтті. Әжелер ансамблі (Қарлығаш Зейнулова, Динара Турдымуратова, Жанат Курмашева, Баглан Тулмағанбетова, Гульвира Серкебекова, Зара Абиева) шашу шашып, халықтың көңілін көтерді.

Сонымен қатар, Наурыз мерекесінің ең әсерлі сәттерінің бірі тұсаукесер рәсімі болды. Бұл рәсім қазақ халқының дәстүріне сай Бағлан Жарылқасынұлы баланың болашағының жарқын болуына тілек білдіріп, тұсауын кесіп, сәттілік тіледі.

Шара барысында қазақ халқының танымал әндері мен билері орындалып, кештің көркемдік деңгейі жоғары болды. Жиналғандар Арсен ұлының “Мен қазақтың баласы” әнін тыңдап, өздерінің ұлттық болмысын сезінді. “Қара жорға” биі де қазақтың ұлттық өнерін паш еткен сәттердің бірі болды.

Мерекелік шарада көңілді ойындар мен жарыстар да өтті. Әр бөлімнің қызметкерлері арқан тарту, қол күрес және гір көтеру сияқты ұлттық ойындарға қатысып, мерекенің тартымды әрі қызықты өтуіне өз үлестерін қосты. Жеңімпаздар арнайы сыйлықтармен марапатталды.

Мереке соңында қатысушылар “Атамекен” әнін бірге шырқап, бір-біріне ыстық ықылас, ақ тілектерін жолдады. Наурыздың құтты болуына тілектестікпен аяқталған кеш баршаға қуаныш, бақыт және береке әкелді.

АИТВ-инфекциясын алдын алу орталығында өткен бұл Наурыз мейрамы тек қана көктемнің жарқын мерекесін атап өту емес, сонымен қатар халқымыздың дәстүрлері мен құндылықтарын жаңғырту, жаңа жылдың бастауы ретінде ынтымақ пен бірліктің ұйытқысы болды. Наурыз мейрамы әр адамның жүрегіне жылу мен үміт сыйлап, болашаққа деген сенімді арттырды.

🔰Шу ауданы, Төле ауылында білім беру ұйымдарының педагог-психологтары мен медбикелерінің қатысуымен АИТВ инфекциясының алдын алу шаралары туралы семинар-тренинг өтті. Іс-шараға қатысушылардың саны көп болды, бұл тақырыптың өзектілігін және қоғамдағы маңызды мәселе екендігін көрсетеді.
🔹Семинардың мақсаты – АИТВ инфекциясының таралуына қарсы алдын алу жұмыстарды күшейту, білім беру саласы қызметкерлері мен медициналық мамандар арасында осы ауру туралы ақпаратты тарату және жұқпаның алдын алу шараларын түсіндіру.
🔹Семинарды Жамбыл облыстық АИТВ-инфекциясын алдын алу орталығының психолог маманы М.Бегманова жүргізді. Ол АИТВ инфекциясының қазіргі кездегі таралу деңгейі, оның Қазақстан Республикасы мен Жамбыл облысындағы жағдайы туралы жан-жақты ақпарат берді. Сонымен қатар, аурудың алдын алу жолдары, алдын алу шаралар мен халық арасында ақпараттық жұмыс жүргізудің маңызы кеңінен талқыланды.
✅Іс-шара барысында қатысушыларға бейнежазба көрсетіліп, АИТВ инфекциясының таралуының алдын алу бойынша пайдалы ақпараттық бүктемелер таратылды. Өз еріктерімен ниет білдірушілерден жедел тест алынды, нәтижелері қатысушыларға АИТВ инфекциясы бойынша өздерінің ағымдағы жағдайларын білуге мүмкіндік берді.

🔰Жамбыл облыстық АИТВ инфекциясын алдын алу орталығының инфекционист-дәрігері Сауле Токбураева Тараз қаласындағы «Эскулап» емдеу орталығының қызметкерлеріне арнайы семинар сабағын өткізді.
🔹Семинардың негізгі тақырыптары ретінде «АИТВ инфекциясымен бірге басқа да аурулары бар науқастарды емдеу мәселелері» және «Анадан балаға АИТВ, мерез және С гепатитінің берілуін болдырмау шаралары» талқыланды.
🔹Семинар барысында Сауле Дастанқызы АИТВ және оның адам өміріне әсері, сондай-ақ инфекциямен өмір сүретін адамдардың әлеуметтік және психологиялық жағдайлары туралы сөз қозғады. Сонымен қатар, қосымша аурулары бар АИТВ науқастарын дұрыс басқару және емдеу жолдары талқыланды.
🔹Анадан балаға АИТВ, мерез және С гепатитінің берілуін болдырмау мәселелері де кеңінен қаралды. Сауле Токбураева бұл инфекциялардың балаға берілу жолдарын түсіндіріп, олардың алдын алу үшін қолданылатын медициналық шаралар туралы нақты айтты. Мысалы, жүктілік кезінде АИТВ статусын анықтап, алдын алу терапиясын дұрыс тағайындаудың маңыздылығын, сондай-ақ үнемі медициналық бақылаудың қажеттілігін ерекше атап өтті.
✅Семинар соңында дәрігер қатысушылардың қойған сұрақтарына жауап берді.