Жаңалықтар

М.Жұмабаев атындағы №21 орта мектебінің жоғары сынып оқушыларына арналған ақпараттық-профилактикалық кездесу ұйымдастырылды.

Іс-шараға Жамбыл облыстық ЖИТС-тің алдын алу және онымен күрес жүргізу орталығының мейіргері Р. Қуанышбеков қатысып, түсіндіру жұмыстарын жүргізді.

Кездесу барысында оқушыларға АИТВ инфекциясының таралу жолдары, оның алдын алу шаралары, сондай-ақ жыныстық жолмен берілетін инфекциялар (ЖЖБИ) туралы жан-жақты ақпарат берілді. Сонымен қатар қауіпсіз мінез-құлық қағидалары мен салауатты өмір салтын ұстанудың маңыздылығы түсіндірілді.

Оқушылар белсенділік танытып, сұрақ-жауап бөлімінде өздерін қызықтырған сұрақтарын қойып, нақты әрі пайдалы жауаптар алды.

Іс-шара соңында қатысушыларға ақпараттық материалдар таратылып, қосымша профилактикалық түсіндіру жұмыстары жүргізілді.

№6 қалалық емханада «Қазақстан Республикасы мен Жамбыл облысындағы АИТВ/ЖИТС бойынша эпидемиологиялық жағдай. АИТВ/ЖИТС бойынша нормативтік-құқықтық актілер. Халықты АИТВ-инфекциясына скринингтен өткізу. АИТВ/ЖИТС профилактикасы» тақырыбында семинар өткізілді.
Семинардың мақсаты – қатысушыларды Қазақстан Республикасы мен Жамбыл облысындағы АИТВ-инфекциясының таралу деңгейімен, жаңа нормативтік-құқықтық құжаттармен, АИТВ-ға тексерілуге жататын контингенттермен және алдын алу шараларымен таныстыру.
Семинарды Жамбыл облыстық ЖИТС орталығының эпидемиолог дәрігер Д.Абдраманова, инфекционист дәрігер Г.Байдаулетова жүргізді.
Семинар барысында келесі мәселелер қарастырылды: Жамбыл облысы мен ҚР бойынша АИТВ/ЖИТС эпидемиологиялық жағдайы; АИТВ/ЖИТС бойынша нормативтік-құқықтық актілер; АИТВ-ға тексерілуге жататын топтар, оның ішінде реципиенттер, жүкті әйелдер және олардың серіктестері; 2025 жылғы №2 есеп беру нысаны (2024 жылмен салыстыру); АИТВ-инфекциясының алдын алу, АИТВ мәртебесін білудің маңыздылығы; Доконтакттық және постконтакттық профилактика; АИТВ-мен өмір сүретін адамдарға қатысты стигма мен кемсітушілікке жол бермеу; Анадан балаға АИТВ, мерез және С гепатитінің берілуінің алдын алу; АИТВ-инфекциясын диагностикалау, емдеу және қатар жүретін аурулар
💬 Семинар соңында қатысушылар тарапынан қойылған сұрақтарға толық жауаптар берілді.

19 наурыз – Жаңару күніне орай Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының ұжымы игі іс-шара ұйымдастырды.
Орталық қызметкерлері бірлесіп, жұмыс орнының аумағына шырша ағаштарын отырғызды. Бұл бастама – табиғатты аялау, қоршаған ортаны көркейту және келешек ұрпаққа жасыл мұра қалдыруға бағытталған маңызды қадам.
Ағаш отырғызу – тек экологиялық акция ғана емес, ол жаңару мен өмірдің жалғастығын бейнелейтін ерекше символ. Ұжымның бұл әрекеті ұйымшылдық пен жауапкершіліктің, сондай-ақ табиғатқа деген қамқорлықтың айқын көрінісі болды.
Табиғатты қорғау – баршамыздың ортақ міндетіміз!

18 наурыз – Наурыз мейрамы аясындағы маңызды күндердің бірі. Бұл күн көбінесе Ұлттық киім күні ретінде атап өтіледі.

Осы күні халық ата-бабадан қалған дәстүрді жаңғыртып, ұлттық киімдерді насихаттайды. Қазақтың ұлттық киімдері – халқымыздың мәдениеті мен тарихының ажырамас бөлігі.

Т.Рысқұлов аудандық орталық ауруханасында «Қазақстан Республикасы мен Жамбыл облысындағы АИТВ/ЖИТС бойынша эпидемиологиялық жағдай. АИТВ-ға тестілеу ережелері. АИТВ инфекциясының және кәсіби жұқтырудың алдын алу. Апаттық жағдайлар. АИТВ инфекциясын кеш анықтау» тақырыбында семинар өткізілді.
Семинардың мақсаты – медицина қызметкерлерін АИТВ-мен өмір сүретін адамдарға қатысты стигма мен кемсітушіліктің алдын алу мәселелерімен таныстыру.
Іс-шара барысында Жамбыл облыстық ЖИТС орталығының эпидемиолог дәрігері Н.Бердіш және емдеу алдын алу бөлімінің инфекционист дәрігері Г. Байдаулетова Қазақстан Республикасы мен Жамбыл облысындағы АИТВ/ЖИТС бойынша эпидемиологиялық ахуалға тоқталды. Сонымен қатар, АИТВ жұғу жолдары, жас ерекшеліктері, гендерлік және әлеуметтік құрылымы туралы мәліметтер ұсынылды.
Семинар аясында:
✔ АИТВ-ға тексерілуге жататын халық топтары;
✔ АИТВ инфекциясын кеш анықтаудың алдын алу жолдары;
✔ Тестілеуге клиникалық көрсеткіштер;
✔ 2026 жылға арналған тестілеумен қамту көрсеткіші (кемінде 18%)
✔ 2025 жылға арналған №2 есеп беру нысаны.
✔ Апаттық жағдайлар кезіндегі іс-әрекет алгоритмі және кәсіби жұқтырудың алдын алу шаралары қарастырылды
Атап өтілгендей, 2025 жылы Т.Рысқұлов ауданында халықты АИТВ-ға тестілеумен қамту деңгейі төмен (9,2%) екені анықталды.
Семинар соңында қатысушылар тарапынан қойылған сұрақтарға толық жауап берілді

Ғ. Мұратбаев атындағы №17 орта мектебінің жоғары сынып оқушылары үшін ақпараттық-профилактикалық кездесу ұйымдастырылды.
Іс-шараға Жамбыл облыстық ЖИТС-тің алдын алу және онымен күрес жүргізу орталығының мейіргері Р. Қуанышбеков қатысып, түсіндіру жұмыстарын жүргізді.
Кездесу барысында оқушыларға АИТВ инфекциясының таралу жолдары, оның алдын алу тәсілдері, жыныстық жолмен берілетін инфекциялар (ЖЖБИ) туралы мәліметтер ұсынылды. Сонымен қатар қауіпсіз мінез-құлық пен салауатты өмір салтын ұстанудың маңыздылығы кеңінен түсіндірілді.
Оқушылар белсенділік танытып, сұрақ-жауап кезеңінде өз ойларымен бөлісіп, маманнан нақты әрі пайдалы жауаптар алды.
Іс-шара соңында қатысушыларға ақпараттық материалдар таратылып, профилактикалық түсіндіру жұмыстары жүргізілді.

№14 орта мектебінің жоғары сынып оқушыларына арналған профилактикалық ақпараттық дәріс өткізілді.
Кездесуге Жамбыл облыстық ЖИТС-тің алдын алу және онымен күрес жүргізу орталығының психолог мамандары М. Бегманова және А. Талапбек қатысып, түсіндіру жұмыстарын жүргізді.
Дәріс барысында оқушыларға АИТВ инфекциясының алдын алу, жыныстық жолмен берілетін инфекциялар (ЖЖБИ), қауіпсіз мінез-құлық қағидалары және салауатты өмір салтын ұстанудың маңызы туралы маңызды ақпараттар берілді.
Оқушылар танымдық сұрақ-жауап бөліміне белсенді қатысып, өздерін қызықтырған сауалдарға нақты жауаптар алды.
Кездесу барысында ақпараттық-түсіндіру жұмыстары жүргізіліп, оқушыларға арнайы ақпараттық материалдар таратылд.

Жамбыл облыстық ЖИТС-тің алдын алу және онымен күрес жүргізу орталығында қауіпсіздік деңгейлері мен төтенше жағдайларда әрекет ету алгоритмдері бойынша түсіндіру жұмыстары өтті.
Іс-шарада орталықтың Клинико-диагностикалық зертханасының дәрігері И. Досымова зертхана бөлімінің мамандарымен бірге медициналық мекемелерде қолданылатын қауіпсіздік деңгейлері туралы талқылау жүргізіп, өзара тәжірибе алмасты.
Кездесу барысында қауіпсіздік деңгейлері мен төтенше жағдайларда әрекет ету тәртібі қарастырылып, мамандар өз білімдерімен бөлісіп, тәжірибелік пікір алмасу жүргізді.

№56 OPTA мектебінің жоғары сынып оқушыларына арналған профилактикалық ақпараттық дәріс өткізілді.
Кездесуге Жамбыл облыстық ЖИТС-тің алдын алу және онымен күрес жүргізу орталығының психолог мамандары М. Бегманова және А. Талапбек қатысып, түсіндіру жұмыстарын жүргізді.
Дәріс барысында оқушыларға АИТВ инфекциясының алдын алу, жыныстық жолмен берілетін инфекциялар (ЖЖБИ), қауіпсіз мінез-құлық қағидалары және салауатты өмір салтын ұстанудың маңызы туралы маңызды ақпараттар берілді.
Оқушылар танымдық сұрақ-жауап бөліміне белсенді қатысып, өздерін қызықтырған сауалдарға нақты жауаптар алды.
Кездесу барысында ақпараттық-түсіндіру жұмыстары жүргізіліп, оқушыларға арнайы ақпараттық материалдар таратылды

Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының мейірбикесі Г. Иманбаева №2 қалалық емханасының Жастар денсаулық орталығында студенттермен кездесу өткізіп, АИТВ инфекциясының алдын алу тақырыбында түсіндіру жұмыстарын жүргізді.
Кездесу барысында студенттерге АИТВ инфекциясының берілу жолдары, оның алдын алу шаралары, салауатты өмір салтын ұстанудың маңыздылығы және өз денсаулығына жауапкершілікпен қарау туралы жан-жақты ақпарат берілді. Сонымен қатар жастарға қауіпсіз мінез-құлық қағидалары түсіндіріліп, АИТВ-ға тестілеудің маңызы айтылды.