Жаңалықтар

28 мамыр күні Жамбыл аудандық орталық ауруханасы мен емханасында «АИТВ/ЖИТС бойынша эпидемиологиялық жағдай, нормативтік-құқықтық актілер және инфекцияның алдын алу шаралары» тақырыбында ақпараттық семинар ұйымдастырылды.

Семинардың мақсаты – қатысушыларды Қазақстан Республикасы мен Жамбыл облысындағы АИТВ инфекциясының таралу деңгейімен, жаңа нормативтік-құқықтық база талаптарымен, АИТВ-ға скрининг жүргізу тәртібімен және инфекцияның алдын алу шараларымен таныстыру болды.

Семинар бағдарламасы келесі негізгі бағыттарды қамтыды:

1. Жамбыл облысы және республика бойынша АИТВ/ЖИТС бойынша эпидемиологиялық жағдай.
2. Медицина ұйымдарындағы ұйымдастырушылық-әдістемелік жұмыстар және жаңа нормативтік-құқықтық актілерге шолу, соның ішінде ҚР Денсаулық сақтау министрінің 2020 жылғы 27 қарашадағы № ҚР ДСМ-211/2020 бұйрығы – АИТВ инфекциясына міндетті құпия медициналық тексеру қағидалары.
3. АИТВ инфекциясына тексерілуге жататын контингенттерді анықтау және кәсіби жұқтырудың алдын алу шаралары.
4. АИТВ, сифилис және С гепатитінің анадан балаға берілуінің алдын алу.
5. Доконтакт және постконтакт профилактиканың маңыздылығы мен АИТВ статусын білу қажеттілігі.
6. Денсаулық сақтау саласындағы мамандар арасында АИТВ-мен өмір сүретін адамдарға қатысты стигма мен кемсітушілік мәселелері.
7. Қатысушылар тарапынан қойылған сұрақтарға жауап беру.

Семинарды Жамбыл облыстық ЖИТС орталығының эпидемиологиялық қадағалау бөлімінің эпидемиолог-дәрігерлері Д.Абдраманова мен И.Досымова және емдеу бөлімінің инфекционист-дәрігері С.Токбураева.

Іс-шара барысында қатысушылар АИТВ инфекциясына қатысты өзекті ақпаратпен танысып, практикалық ұсынымдар алды. Мамандар алдын алу, кәсіби қауіпсіздік және кемсітушілікті алдын алу мәселелерін кеңінен түсіндіріп, семинар белсенді әрі нәтижелі өтті.

🔰Жамбыл облыстық Жұқтырылған иммун тапшылығы синдромының алдын алу және онымен күрес жүргізу орталығының психолог мамандары Г.Шамурзаева және М.Бегманова «Қазпошта» Акционерлік қоғамының Жамбыл облыстық филиалы қызметкерлеріне және 8 қалалық аудандық пошта бөлімшелерінен Zoom платформасы арқылы онлайн режимде қосылды. АИТВ инфекциясының алдын алу бойынша түсіндіру жұмыстарын жүргізді.
🔹Іс-шараның негізгі мақсаты – АИТВ инфекциясының таралуының алдын алу, халықтың осы жайында білім деңгейін арттыру және салауатты өмір салтын насихаттау.
🔹Кездесу барысында мамандар АИТВ инфекциясының берілу жолдары, қорғану тәсілдері және алдын алу шаралары жайлы жан-жақты ақпарат берді. Сонымен қатар, психологиялық тұрғыдан қолдаудың маңыздылығына тоқталып, стигма мен кемсітушілікке қарсы күресудің жолдарын түсіндірді.
🔹Қызметкерлер мамандарға өздерін қызықтырған сұрақтарын қойып, нақты әрі толық жауап алды. Сондай-ақ, қатысушыларға ақпараттық жадынамалар таратылып, АИТВ-ның алдын алу бойынша пайдалы кеңестер ұсынылды.

Жамбыл облыстық ЖИТС-тың алдын алу және оған қарсы күрес жүргізу орталығының эпидемиологиялық қадағалау бөлімінің мамандары – эпидемиолог-дәрігерлер И.Досымова мен А.Сагадиева – №9 қалалық емхананың медицина қызметкерлеріне семинар өткізді.

Іс-шараның басты мақсаты – медицина қызметкерлерін АИТВ инфекциясының республика және өңір бойынша таралу деңгейімен, жаңа нормативтік-құқықтық құжаттармен, сондай-ақ АИТВ инфекциясына қатысты міндетті құпия медициналық тексеру ережелерімен таныстыру болды. Сонымен қатар, АИТВ инфекциясының алдын алу, кәсіби қауіпсіздік, шұғыл жағдайларда әрекет ету алгоритмдері туралы кеңінен түсіндірілді.

Семинар барысында қатысушылар АИТВ инфекциясына байланысты маңызды әрі өзекті ақпарат алып, жұмыс барысында қауіпсіздікті сақтаудың нақты жолдарын меңгерді. Мамандар қатысушылардың сұрақтарына жауап берді.

🔹Жамбыл облыстық ЖИТС-тің алдын алу және оған қарсы күрес орталығының психолог мамандары Г. Шамурзаева мен М.Бегманова “Отбасы банк” АҚ Тараз қаласындағы кеңес беру орталығы қызметкерлері мен тұтынушыларына АИТВ инфекциясының алдын алу, жұғу жолдары және қорғану шаралары туралы жан-жақты ақпараттық-түсіндіру жұмысын жүргізді.
🔹Іс-шараның мақсаты – АИТВ инфекциясы туралы қоғамда дұрыс көзқарас қалыптастыру, стигма мен кемсітушілікті азайту, сондай-ақ тұрғындардың өз денсаулығына деген жауапкершілігін арттыру.
🔹Кездесу барысында мамандар қатысушыларға АИТВ инфекциясының жұғу жолдары, оның ағзаға әсері, дер кезінде анықтау және емдеу мүмкіндіктері туралы толық ақпарат берді. Сонымен қатар, ерте диагностиканың маңыздылығы, алдын алу шаралары және салауатты өмір салтын ұстанудың артықшылықтары талқыланды.​
🔹Қатысушылар өздерін қызықтырған сұрақтарын қойып, нақты әрі пайдалы жауаптар алды. Сондай-ақ, ақпараттық-білім беру материалдары — бүктемелер мен парақшалар таратылды.

🔹Жамбыл облыстық Жұқтырылған иммун тапшылығы синдромының алдын алу және онымен күрес жүргізу орталығының эпидемиолог дәрігері С.Дулатбаева және психологы Г.Шамурзаева Жамбыл облысы бойынша Мемлекеттік кірістер департаментінің Тараз қаласы бойынша Мемлекеттік кірістер басқармасы “Тараз-кедендік рәсімдеу орталығы” кеден бекетінің қызметкерлеріне арнап АИТВ инфекциясының алдын алу бойынша түсіндіру жұмыстарын жүргізді.
🔹Іс-шараның негізгі мақсаты – АИТВ инфекциясының таралуының алдын алу, халықтың осы жайында білім деңгейін арттыру және салауатты өмір салтын насихаттау болды.
🔹Кездесу барысында эпидемиолог дәрігер С.Дулатбаева АИТВ инфекциясының берілу жолдары, қорғану тәсілдері және қазіргі таңда қолданылып жүрген алдын алу шаралары жайлы жан-жақты ақпарат берді. Сонымен қатар, Г.Шамурзаева психологиялық тұрғыдан қолдаудың маңыздылығына тоқталып, стигма мен кемсітушілікке қарсы күресудің жолдарын түсіндірді.
🔹Қызметкерлер мамандарға өздерін қызықтырған сұрақтарын қойып, нақты әрі толық жауап алды. Сондай-ақ, қатысушыларға ақпараттық-білім беру материалдары – бүктемелер мен жадынамалар таратылып, АИТВ-ның алдын алу бойынша пайдалы кеңестер ұсынылды.

Жамбыл облыстық ЖИТС-тың алдын алу және оған қарсы күрес жүргізу орталығының психолог мамандары Г. Шамурзаева мен М. Бегманова «ҚТЖ – Жүк тасымалы» ЖШС филиалы – «ЖТ Жамбыл бөлімшесі» Жамбыл пайдалану локомотив депосының қызметкерлеріне АИТВ инфекциясының алдын алу тақырыбында ақпараттық-түсіндіру семинарын өткізді.

Іс-шараның негізгі мақсаты – АИТВ инфекциясы туралы тұрғындардың білім деңгейін арттыру, жұқпаның берілу жолдары, алдын алу шаралары және стигма мен кемсітушілікті  алдын алу бойынша түсіндіру жұмыстарын жүргізу болды.

Семинарға 250-ге жуық қызметкер қатысты. Қатысушыларға АИТВ/ЖИТС-тың таралу жолдары, қорғану әдістері, инфекцияның ағзаға әсері, сондай-ақ ерте анықтау мен емделудің маңыздылығы туралы жан-жақты ақпарат берілді. Психолог мамандар салауатты өмір салтын ұстанудың, жұқпадан қорғану мәдениетін қалыптастырудың маңыздылығына тоқталды.

Сонымен қатар, қатысушыларға тақырыптық ақпараттық бүктемелер таратылды.

Жуалы аудандық орталық ауруханасында АИТВ/ЖИТС инфекциясының алдын алу, эпидемиологиялық жағдай және кәсіби қауіпсіздік мәселелеріне арналған ақпараттық семинар ұйымдастырылды.

Семинарға медициналық мекеме қызметкерлері қатысты. Іс-шараны Жамбыл облыстық ЖИТС-тың алдын алу және оған қарсы күрес жүргізу орталығының эпидемиологиялық қадағалау бөлімінің эпидемиолог-дәрігері А.Т. Сагадиева және емдеу алдын алу бөлімінің инфекционист-дәрігері С.Токбураева жүргізді.

Семинардың негізгі мақсаты – қатысушыларды Қазақстан Республикасы мен Жамбыл облысындағы АИТВ инфекциясының таралу деңгейімен, жаңа нормативтік-құқықтық актілермен, соның ішінде ВИЧ инфекциясына міндетті құпия медициналық тексеру ережелерімен таныстыру. Сонымен қатар, ВИЧ инфекциясының алдын алу, кәсіби жұқтырудан қорғану, төтенше жағдайларда әрекет ету, доконтакт және постконтакт профилактикасының маңыздылығы түсіндірілді.

Семинар барысында қатысушылар АИТВ инфекциясының алдын алу бойынша өзекті мәліметтер алып, кәсіби қызмет барысында қауіпсіздікті сақтау жолдарын нақты түсінді. Қатысушылар өз сауалдарын қойып, маман тарапынан жан-жақты жауап алды.

🔹2025 жылғы 23 мамырда Тараз қаласындағы «Садыхан» ОКДМО базасында «Қазақстан Республикасы мен Жамбыл облысындағы АИТВ/ЖИТС бойынша эпидемиологиялық жағдай. Нормативтік-құқықтық актілер. Халықты АИТВ-инфекциясына скринингтен өткізу. АИТВ/ЖИТС-тің алдын алу» тақырыбында ақпараттық семинар ұйымдастырылды.
🔹Семинардың негізгі мақсаты – Жамбыл облысы мен еліміздегі АИТВ-инфекциясының таралу деңгейі, осы бағытта енгізілген жаңа нормативтік-құқықтық актілер, мақсатты контингенттерді скринингтен өткізу тәртібі және АИТВ/ЖИТС-тің алдын алу шаралары жөнінде медицина қызметкерлерін жан-жақты ақпараттандыру.
🔹Іс-шараны Жамбыл облыстық ЖИТС-тің алдын алу және оған қарсы күрес орталығының АИТВ-инфекциясын эпидемиологиялық қадағалау бөлімінің эпидемиолог-дәрігері Д. Абдраманова жүргізді.
🔹Семинар барысында АИТВ инфекциясының таралуы мен жұқтыру жолдары, жаңа заңнамалар, жүкті әйелдер мен реципиенттерге скринингтің маңыздылығы, биоматериалмен дұрыс жұмыс істеу тәртібі және АИТВ-ның алдын алу жолдары қарастырылды. Сондай-ақ стигма мен кемсітушілікпен күрес және медицина қызметкерлерінің қауіпсіздігі бойынша кеңестер берілді. ​
✅Семинар Жамбыл облысындағы АИТВ/ЖИТС-ке қарсы күрес бағытында кәсіби өзара әрекеттестік пен тәжірибе алмасуға, сондай-ақ денсаулық сақтау мамандарының білімін жетілдіруге бағытталды.

Қазақстан Республикасының сыбайлас жемқорлыққа қарсы саясатының 2022-2026 жылдарға арналған тұжырымдамасы сыбайлас жемқорлыққа қарсы іс-қимыл жүйесінде негізгі буын ретінде сыбайлас жемқорлық тәуекелдерін, олардың туындауына ілеспе себептер мен жағдайларды анықтау және азайту болып айқындалды.
Мемлекеттік және жеке секторда сыбайлас жемқорлықтың себептері мен жағдайларын болдыртпау мақсатында 2015 жылғы 18 қарашадағы Қазақстан Республикасының «Сыбайлас жемқорлыққа қарсы іс-қимыл туралы» Заңда (бұдан әрі-Заң) сыбайлас жемқорлық құқық бұзушылықтар жасауға ықпал ететін сыбайлас жемқорлық деректерін анықтауға және зерделеуге бағытталған сыбайлас жемқорлық тәуекелдерін ішкі талдау қарастырылады.
Заң талаптарына сәйкес барлық мемлекеттік органдар, ұйымдар және квазимемлекеттік сектор субъектілері сыбайлас жемқорлық тәуекелдеріне ішкі талдауды жүзеге асырады, оның нәтижелері бойынша сыбайлас жемқорлық құқық бұзушылықтар жасауға ықпал ететін себептер мен жағдайларды жою жөнінде шаралар қабылдайды.
Қазақстан Республикасының «Сыбайлас жемқорлыққа қарсы іс-қимыл туралы» 2015 жылғы 18 қарашадағы №410-V заңының 8-бабы, 5-тармағы және Сыбайлас жемқорлыққа қарсы іс-қимыл агенттігі (Сыбайлас жемқорлыққа қарсы қызмет) Төрағасының 2023 жылғы 16 ақпандағы №21 бұйрығы негізінде, Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығында 2025 жылы маусым айының 01-30-күндері аралығында сыбайлас жемқорлық тәуекелдеріне ішкі талдау жүргізудің басталатынын хабарлайды.

#antikorupsi

Жамбыл облыстық ЖИТС-тың алдын алу және оған қарсы күрес жүргізу орталығының эпидемиолог дәрігері И. Досымова Тараз қаласындағы медициналық колледждің студенттеріне арнап АИТВ инфекциясының алдын алу тақырыбында ағартушылық дәріс өткізді.

Іс-шараның басты мақсаты – болашақ медицина қызметкерлерінің АИТВ инфекциясы туралы білімін арттыру, дұрыс түсінік қалыптастыру және алдын алу шараларын үйрету болды.

Дәріс барысында эпидемиолог маман АИТВ-ның жұғу жолдары, одан қорғану тәсілдері, заманауи диагностика мен емдеу мүмкіндіктері жайында жан-жақты ақпарат берді. Сонымен қатар, студенттермен белсенді пікір алмасу ұйымдастырылып, олардың тақырыпқа қатысты сұрақтарына нақты әрі кәсіби жауаптар берілді.

Іс-шараны қызықты әрі тиімді ету мақсатында қатысушылар арасында танымдық ойындар ойнатылды. Бұл тәсіл студенттердің тақырыпты жақсы меңгеруіне және өз көзқарастарын қалыптастыруына септігін тигізді.