Жаңалықтар

🔰Мен, Абдикеримова Орынкул Жетесқызы, Жамбыл облыстық жұқтырылған иммун тапшылығы синдромының алдын алу және оған қарсы күрес жүргізу орталығының ұйымдастыру бөлімінің меңгерушісі болып қызмет етемін.

🔹Медицина – мен үшін жай ғана кәсіп емес, бұл – бала күнгі арманымның орындалуы. Әкем – терапевт-дәрігер – өз ісін ерекше сүйетін, мейірбан жан еді. Оның әрбір науқастың өміріне шырақ жағуға тырысқан жанкешті еңбегін көріп өскен мен, дәрігер болуды мақсат еттім.

🔹1982 жылы мектепті бітіріп, Қарағанды мемлекеттік медицина институтының санитарлық-гигиеналық факультетіне оқуға түсіп, 1988 жылы жоғары білім алып шықтым. Жолдасым да – осы оқу ордасының түлегі. Еңбек жолымды Жамбыл аудандық санитарлық-эпидемиологиялық станциясында эпидемиология бөлімінің меңгерушісі ретінде бастадым. Ал 2000 жылдан бері тағдырым ЖИТС орталығымен тығыз байланысты. 2005–2025 жылдар аралығында орталықта бас дәрігердің орынбасары қызметін атқардым.

🔹Бүгінде медицина саласында еңбек етіп келе жатқаныма 37 жыл толып отыр. Бұл – мен үшін үлкен мәртебе, өмірімнің мәні мен мақсатына айналған еңбек жолы.

🔹Біз атқарып отырған жұмыс – жай ғана қызмет емес, бұл – адам өміріне, қоғам денсаулығына қосылған өлшеусіз үлес. АИТВ-ның алдын алу мен оған қарсы күресте біз тек індетпен емес, сонымен қатар оның айналасындағы қате түсініктермен, стигма және кемсітушілікпен күрес жүргізіп келеміз.

🎗️Барша медицина қызметкерлерін кәсіби мерекелерімен шын жүректен құттықтаймын! Дендеріңіз сау, жүректеріңіз мейірім мен қуанышқа толы болсын! Еңбектеріңіз жана берсін, абыройларыңыз асқақтай берсін!

✅“Мен неге медицинаны таңдадым” атты республикалық челленджді мен сияқты ақ халаттыларға – халықтың денсаулығы үшін тер төгіп жүрген барша әріптестеріме жолдаймын!

🔹 Жамбыл облыстық АИТВ-ның алдын алу және оған қарсы күрес жүргізу орталығының жылжымалы тобы ҚР ІІМ Қылмыстық-атқару жүйесі комитетінің Жамбыл облысы бойынша департаменті қызметкерлеріне арналған түсіндіру шарасын ұйымдастырды.

🔹 Шара барысында орталықтың эпидемиолог-дәрігері С.Дулатбаева қатысушыларға АИТВ/ЖИТС бойынша жаһандық, республикалық және облыстық деңгейдегі эпидемиологиялық ахуал, вирустың берілу жолдары, алдын алу тәсілдері мен оның ағзаға әсері жөнінде жан-жақты мәлімет берді. Сонымен қатар, жыныстық жолмен жұғатын инфекциялардан қорғану, В және С вирустық гепатиттерінің таралуын болдырмау бойынша да түсіндіру жұмыстары жүргізілді. Іс-шара соңында қатысушыларға ақпараттық жадынамалар мен бүктемелер таратылды.

🔹 Іс-шара соңында ЖИТС орталығының мейірбикелері 54 қызметкерден ИФА әдісімен қан сынамасын алды. Нәтижелері әр адамға дербес түрде хабарланатын болады.

🔹Жамбыл облыстық ЖИТС-тің алдын алу және онымен күрес жүргізу орталығының мобильді тобы Тараз қаласының жастары арасында АИТВ инфекциясының алдын алу бойынша ақпараттық-түсіндіру жұмыстарын жүргізді. Бұл шара жастардың АИТВ/ЖИТС туралы білімін арттыру, қауіпсіз мінез-құлық қалыптастыру және инфекцияның таралуының алдын алу мақсатында ұйымдастырылды.

🔹Мобильді топ қаладағы оқу орындары мен жастар көп шоғырланатын орындарды аралап, жастарға АИТВ инфекциясының таралу жолдары, қорғану тәсілдері, ерте анықтаудың маңыздылығы туралы жан-жақты ақпарат берді.

✅Жастар мамандарға өздерін толғандырған сұрақтарын қойып, нақты әрі ғылыми негізделген жауаптар алды.

Мен Сагадиева Айгуль Талгатовна эпидемиолог дәрігері. 2012 жылы Бишкек қаласында. И.К. Ахунбаева атындағы Қырғыз Мемлекеттік Медицина Академиясын бітірдім., Медико-профилактическое дело – факультетін бітірдім, мамандығым – дәрігер.
🔹Еңбек жолымды алғашқы медициналық-санитарлық көмек жүйесінде-(ПМСП) эпидемиологы болып бастадым. Бұл кезең маған нағыз тәжірибе мен жауапкершіліктің маңыздылығын түсінуге мүмкіндік берді.
🔹Қазіргі таңда Жамбыл облыстық ЖИТС-тің алдын алу және оған қарсы күрес орталығында дәрігер-эпидемиолог болып жұмыс істеймін. Мұнда әрбір шешім халықтың денсаулығына әсер ететін маңызды қадам болып табылады. Біз тек аурулармен ғана емес, қоғамдық денсаулықты қорғауға және кемсітушілікпен де күресеміз. АИТВ індетінің таралуын төмендету, халықтың өмір сүру сапасын арттыру.
✅Мен «Мен неге медицинаны таңдадым?» республикалық челленджін барлық әріптестеріме жолдаймын.

🔹2025 жылғы маусым айының басында Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының мобильді тобы Тараз қаласындағы ірі сауда орындарының бірі – “Бек базарында” АИТВ инфекциясының алдын алу мақсатында ақпараттық-түсіндіру іс-шарасын өткізді.
🔹Іс-шара барысында базар саудагерлері мен келушілерге АИТВ инфекциясының жұғу жолдары, алдын алу шаралары, ерте анықтаудың маңыздылығы және салауатты өмір салтын ұстанудың қажеттілігі туралы түсіндірме жұмыстары жүргізілді. Мобильді топ мамандары тұрғындардың сұрақтарына жауап беріп, тақырып аясында кеңес берді.
🔹Сонымен қатар, қатысушыларға АИТВ туралы маңызды мәліметтерді қамтитын ақпараттық бүктемелер, парақшалар мен жадынамалар таратылды. Бұл материалдар АИТВ инфекциясы жайлы кеңірек ақпарат алуға және қауіптің алдын алуға көмектеседі.

🔰“Сауран” медициналық орталығында “ҚР мен Жамбыл облысындағы АИТВ / ЖИТС бойынша эпидемиологиялық жағдай. АИТВ / ЖИТС бойынша НҚА. АИТВ-инфекциясына халықтың скринингі. АИТВ/ЖИТС алдын алу” тақырыбында семинар өтті.

🔹Семинардың мақсаты – қатысушыларды Қазақстан Республикасында және Жамбыл облысында АИТВ-инфекциясының таралуы, жаңа нормативтік-құқықтық актілер, халықтың түрлі топтарының АИТВ-ға тексерілуі мен алдын алу шараларымен таныстыру болды.

🔍 Семинар бағдарламасы аясында мынадай өзекті мәселелер қозғалды:
• ҚР және Жамбыл облысындағы АИТВ/ЖИТС эпидемиологиялық жағдайы;
• АИТВ / ЖИТС бойынша жаңа нормативтік-құқықтық актілер;
• Реципиенттерді, жүкті әйелдерді және олардың серіктестерін тексеру;
• 2025 жылдың алғашқы 4 айындағы тестілеу нәтижелері (№2 есеп нысаны бойынша);
• Биоматериалды алу, сақтау және зертханаға жеткізу тәртібі (аналитикаға дейінгі кезең);
• Стигма мен кемсітушілікке қарсы күрес;
• Кәсіби инфекциялардың алдын алу жолдары.

🔹Семинарды Жамбыл облыстық ЖИТС-тың алдын алу және онымен күрес жүргізу орталығының эпидемиолог дәрігері Д. Е. Абдраманова жүргізді. Қатысушылар өздерін қызықтырған сұрақтарға жауап алып, АИТВ/ЖИТС бойынша маңызды мәліметтермен танысты.

🔰Жамбыл облыстық ЖИТС орталығының мамандары Тараз қаласындағы “ANSAR HOMEWARE” сауда орталығында ақпараттық іс-шарасын өткізді.
🔹Мобильді топ инфекцияның таралу жолдары мен сақтану тәсілдерін түсіндіріп, ерте анықтаудың маңызын атап өтті. Сонымен қатар, стигма мен кемсітушілік мәселелері қозғалды. Психологтар кәсіби кеңес беріп, салауатты өмір салтын ұстануға шақырды.
✅Шара соңында қатысушыларға орталыққа келіп, ИФТ әдісімен тегін қан тапсыруға болатынын айтып, ақпараттық материалдар таратылды.

 Жамбыл облыстық жұқтырылған иммун тапшылығы синдромының алдын алу және оған қарсы күрес орталығының мамандары  Тараз қалалық электр жүйелері – «Жамбыл электр жүйелері» ЖШС қызметкерлерімен ақпараттық кездесу өткізді.

Шара барысында орталықтың мобильді тобы ұжыммен кездесіп, АИТВ инфекциясының жұғу жолдары, қорғану тәсілдері және ерте анықтаудың маңыздылығы туралы кеңінен түсіндірді. Сонымен қатар, стигма мен кемсітушілікке қарсы күрес тақырыптары да қозғалды.

Орталықтың психологтары Г. Шамурзаева мен М. Бегманова қатысушыларға кәсіби кеңес беріп, салауатты өмір салтын ұстанудың маңызына тоқталды.

Шара соңында қатысушыларға АИТВ инфекциясына ИФТ әдісі арқылы тегін қан тапсыруға болатыны жайлы ақпарат беріліп, ақпараттық бүктемелер таратылды. Қойылған барлық сұрақтарға мамандар толық жауап берді.

АИТВ инфекциясын ерте анықтау – өзіңіз бен жақындарыңызды қорғаудың ең тиімді жолы.

Қазақстан Республикасының Мемлекеттік рәміздер күніне арналған облыстық іс-шаралар жоспарына сәйкес, 2025 жылғы 4 маусымда Жамбыл облыстық иммун тапшылығы синдромының алдын алу және онымен күрес жүргізу орталығының мәжіліс залында салтанатты жиын өтті.

Салтанатты жиын барысында орталықтың ұйымдастыру-әдістемелік бөлімінің меңгерушісі О.Абдикеримова қызметкерлерді мерекемен құттықтап, Мемлекеттік рәміздерді құрметтеу – әрбір азаматтың патриоттық борышы екенін атап өтті. Мемлекеттік рәміздердің – Ту, Елтаңба және Әнұранның – еліміздің егемендігі мен тұтастығының нышаны екені, олардың тарихы мен маңызы туралы айтылды.

Іс-шара елжандылықты арттыру, мемлекеттік нышандарға деген құрмет сезімін қалыптастыру мақсатында ұйымдастырылды.

Жиында орталық қызметкерлері Қазақстан Республикасының Мемлекеттік Гимнін орындап, қатысушылар рәміздерге деген құрметтерін білдірді.

🔹Жамбыл облыстық ЖИТС-тің алдын алу және оған қарсы күрес орталығының психолог мамандары Г. Шамурзаева мен М.Бегманова Жамбыл облысы бойынша экономикалық тергеу департаментінің қызметкерлерімен кездесу өткізіп, АИТВ инфекциясының таралу жолдары, оның алдын алу және қорғану әдістері жөнінде жан-жақты ақпарат ұсынды.
🔹Іс-шараның басты мақсаты – АИТВ жөнінде қоғамда дұрыс түсінік қалыптастыру, кемсітушілік пен стигманың алдын алу және халықтың өз денсаулығына жауапкершілігін арттыру болды.
Кездесу барысында мамандар АИТВ инфекциясының адам ағзасына әсері, дер кезінде анықтау мен емдеудің жолдары туралы кеңінен әңгімеледі. Сонымен қатар, ерте диагностиканың маңыздылығы, аурудың алдын алу тәсілдері мен салауатты өмір салтын ұстанудың маңыздылығы айтылды.
✅Іс-шараға қатысушылар өздерін толғандырған сұрақтарын қойып, толық әрі нақты жауаптар алды. Сонымен қатар, ақпараттық бүктемелер таратылды.