18 наурыз – Наурыз мейрамы аясындағы маңызды күндердің бірі. Бұл күн көбінесе Ұлттық киім күні ретінде атап өтіледі.
Осы күні халық ата-бабадан қалған дәстүрді жаңғыртып, ұлттық киімдерді насихаттайды. Қазақтың ұлттық киімдері – халқымыздың мәдениеті мен тарихының ажырамас бөлігі.
Т.Рысқұлов аудандық орталық ауруханасында «Қазақстан Республикасы мен Жамбыл облысындағы АИТВ/ЖИТС бойынша эпидемиологиялық жағдай. АИТВ-ға тестілеу ережелері. АИТВ инфекциясының және кәсіби жұқтырудың алдын алу. Апаттық жағдайлар. АИТВ инфекциясын кеш анықтау» тақырыбында семинар өткізілді.
Семинардың мақсаты – медицина қызметкерлерін АИТВ-мен өмір сүретін адамдарға қатысты стигма мен кемсітушіліктің алдын алу мәселелерімен таныстыру.
Іс-шара барысында Жамбыл облыстық ЖИТС орталығының эпидемиолог дәрігері Н.Бердіш және емдеу алдын алу бөлімінің инфекционист дәрігері Г. Байдаулетова Қазақстан Республикасы мен Жамбыл облысындағы АИТВ/ЖИТС бойынша эпидемиологиялық ахуалға тоқталды. Сонымен қатар, АИТВ жұғу жолдары, жас ерекшеліктері, гендерлік және әлеуметтік құрылымы туралы мәліметтер ұсынылды.
Семинар аясында:
✔ АИТВ-ға тексерілуге жататын халық топтары;
✔ АИТВ инфекциясын кеш анықтаудың алдын алу жолдары;
✔ Тестілеуге клиникалық көрсеткіштер;
✔ 2026 жылға арналған тестілеумен қамту көрсеткіші (кемінде 18%)
✔ 2025 жылға арналған №2 есеп беру нысаны.
✔ Апаттық жағдайлар кезіндегі іс-әрекет алгоритмі және кәсіби жұқтырудың алдын алу шаралары қарастырылды
Атап өтілгендей, 2025 жылы Т.Рысқұлов ауданында халықты АИТВ-ға тестілеумен қамту деңгейі төмен (9,2%) екені анықталды.
Семинар соңында қатысушылар тарапынан қойылған сұрақтарға толық жауап берілді
Ғ. Мұратбаев атындағы №17 орта мектебінің жоғары сынып оқушылары үшін ақпараттық-профилактикалық кездесу ұйымдастырылды.
Іс-шараға Жамбыл облыстық ЖИТС-тің алдын алу және онымен күрес жүргізу орталығының мейіргері Р. Қуанышбеков қатысып, түсіндіру жұмыстарын жүргізді.
Кездесу барысында оқушыларға АИТВ инфекциясының таралу жолдары, оның алдын алу тәсілдері, жыныстық жолмен берілетін инфекциялар (ЖЖБИ) туралы мәліметтер ұсынылды. Сонымен қатар қауіпсіз мінез-құлық пен салауатты өмір салтын ұстанудың маңыздылығы кеңінен түсіндірілді.
Оқушылар белсенділік танытып, сұрақ-жауап кезеңінде өз ойларымен бөлісіп, маманнан нақты әрі пайдалы жауаптар алды.
Іс-шара соңында қатысушыларға ақпараттық материалдар таратылып, профилактикалық түсіндіру жұмыстары жүргізілді.
№14 орта мектебінің жоғары сынып оқушыларына арналған профилактикалық ақпараттық дәріс өткізілді.
Кездесуге Жамбыл облыстық ЖИТС-тің алдын алу және онымен күрес жүргізу орталығының психолог мамандары М. Бегманова және А. Талапбек қатысып, түсіндіру жұмыстарын жүргізді.
Дәріс барысында оқушыларға АИТВ инфекциясының алдын алу, жыныстық жолмен берілетін инфекциялар (ЖЖБИ), қауіпсіз мінез-құлық қағидалары және салауатты өмір салтын ұстанудың маңызы туралы маңызды ақпараттар берілді.
Оқушылар танымдық сұрақ-жауап бөліміне белсенді қатысып, өздерін қызықтырған сауалдарға нақты жауаптар алды.
Кездесу барысында ақпараттық-түсіндіру жұмыстары жүргізіліп, оқушыларға арнайы ақпараттық материалдар таратылд.
Жамбыл облыстық ЖИТС-тің алдын алу және онымен күрес жүргізу орталығында қауіпсіздік деңгейлері мен төтенше жағдайларда әрекет ету алгоритмдері бойынша түсіндіру жұмыстары өтті.
Іс-шарада орталықтың Клинико-диагностикалық зертханасының дәрігері И. Досымова зертхана бөлімінің мамандарымен бірге медициналық мекемелерде қолданылатын қауіпсіздік деңгейлері туралы талқылау жүргізіп, өзара тәжірибе алмасты.
Кездесу барысында қауіпсіздік деңгейлері мен төтенше жағдайларда әрекет ету тәртібі қарастырылып, мамандар өз білімдерімен бөлісіп, тәжірибелік пікір алмасу жүргізді.
№56 OPTA мектебінің жоғары сынып оқушыларына арналған профилактикалық ақпараттық дәріс өткізілді.
Кездесуге Жамбыл облыстық ЖИТС-тің алдын алу және онымен күрес жүргізу орталығының психолог мамандары М. Бегманова және А. Талапбек қатысып, түсіндіру жұмыстарын жүргізді.
Дәріс барысында оқушыларға АИТВ инфекциясының алдын алу, жыныстық жолмен берілетін инфекциялар (ЖЖБИ), қауіпсіз мінез-құлық қағидалары және салауатты өмір салтын ұстанудың маңызы туралы маңызды ақпараттар берілді.
Оқушылар танымдық сұрақ-жауап бөліміне белсенді қатысып, өздерін қызықтырған сауалдарға нақты жауаптар алды.
Кездесу барысында ақпараттық-түсіндіру жұмыстары жүргізіліп, оқушыларға арнайы ақпараттық материалдар таратылды
Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының мейірбикесі Г. Иманбаева №2 қалалық емханасының Жастар денсаулық орталығында студенттермен кездесу өткізіп, АИТВ инфекциясының алдын алу тақырыбында түсіндіру жұмыстарын жүргізді.
Кездесу барысында студенттерге АИТВ инфекциясының берілу жолдары, оның алдын алу шаралары, салауатты өмір салтын ұстанудың маңыздылығы және өз денсаулығына жауапкершілікпен қарау туралы жан-жақты ақпарат берілді. Сонымен қатар жастарға қауіпсіз мінез-құлық қағидалары түсіндіріліп, АИТВ-ға тестілеудің маңызы айтылды.
Жамбыл облыстық ЖИТС-тің алдын алу және онымен күрес жүргізу орталығында қауіпсіздік деңгейлері мен төтенше жағдайларда әрекет ету алгоритмдері бойынша түсіндіру жұмыстары өтті.
Іс-шарада орталықтың Клинико-диагностикалық зертханасының дәрігері И. Досымова зертхана бөлімінің мамандарымен бірге медициналық мекемелерде қолданылатын қауіпсіздік деңгейлері туралы талқылау жүргізіп, өзара тәжірибе алмасты.
Кездесу барысында қауіпсіздік деңгейлері мен төтенше жағдайларда әрекет ету тәртібі қарастырылып, мамандар өз білімдерімен бөлісіп, тәжірибелік пікір алмасу жүргізді.
⚜️Қазақ халқының ежелгі дәстүрлі мерекесі – Көрісу күні құтты болсын!
⚜️Бұл күн – адамдардың бір-бірімен амандасып, өкпе-ренішті ұмытып, ақ тілек айтып, жақсылық тілеу күні.
Баршаңызға мықты денсаулық, амандық, береке және молшылық тілейміз!
Кейбір жандар өз жолын бала күнінен айқындайды. Қолына ойыншық емес, «дәрігерлік сөмке» ұстап өскен қыздың арманы – адам жанына араша болу еді. Облыстық Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының АИТВ жұқтырғандар мен ЖИТС-пен ауыратындарға емдеу- алдын алу көмек көрсету бөлімінің меңгерушісі Ниязалиева Фируза Асқарқызы да сол арманға адал болып өскен жан.
Медициналық училищені тәмамдаған соң, 1993 жылы Шымкент қаласындағы Оңтүстік Қазақстан мемлекеттік медицина Академиясының «Емдеу ісі» мамандығына оқуға түсіп, кәсіби білімін шыңдады. Еңбек жолын Шымкент қалалық тері-венерологиялық диспансерінде бастап, кейін тағдыр оны Тараз қаласына алып келді. Апасының ақыл-кеңесімен облыстық ЖИТС орталығына қызметке орналасуы – кәсіби өміріндегі жаңа белес болды. Себебі бұл сала – ізденісті, терең білімді, үлкен жүректі талап ететін, жауапкершілігі жоғары бағыт еді.
– Бұл 23 жыл бұрын басталған жол, – дейді Фируза Асқарқызы. – Осы уақыт ішінде таңдауыма бір сәт те өкінген емеспін. Алғашында науқастар саны аз, емдеуге мүмкіндіктер шектеулі болатын. Қазір жағдай өзгерді. Біздің бақылауымызда облыс бойынша 1100-ден астам адам бар. Олардың арасында мұғалімдер, дәрігерлер, медбикелер, заңгерлер т.б мамандық қызметкерлері бар. Бұл дегеніміз – АИТВ жұқпасы ешкімді таңдамайтынын дәлелдейді.
Дәрігер үшін ең ауыр сәт – диагнозды хабарлау.
– Әр адам бұл хабарды әрқалай қабылдайды. Бұл – тағдырға түскен ауыр салмақ, – дейді Фируза Асқарқызы. – Әсіресе, баласына АИТВ жұққанын естіген ата-анаға сөз табу қиын. Кейде бірнеше жыл бойы сенім мен сабыр арқылы ғана нәтижеге жетеміз. Бірақ үміт үзбейміз. Кеше бас тартқан науқас бүгін сеніммен келіп, емін бастаса – бұл біздің еңбегіміздің жемісі.
Бөлімде ұзақ жылдық тәжірибесі бар білікті мамандар еңбек етеді. Инфекционист дәрігерлері – Байдаулетова Гулнар Тортаевна, Сметова Кулмира Есмуратовна, Темирбекова Гулмира Куандыковна, Токбураева Сауле Дастановна және психолог маманы Бер Эльвира Яковлевна – әр науқаспен тіл табысып, кәсіби әрі жанашырлықпен қызмет көрсетеді. Әрқайсысы өз ісін білетін, әр науқасқа үміт сыйлайтын маман.
Бүгінде емдеу – алдын алу бөлімінің жұмысы тек ауруды анықтау немесе дәрі тағайындаумен шектелмейді. Бұл – әр науқастың өмір сапасын жақсартуға бағытталған кешенді қызмет. Мамандар АИТВ-мен өмір сүретін адамдарды тұрақты диспансерлік бақылауға алып, антиретровирустық терапияны уақтылы тағайындап, емнің тиімділігін үздіксіз қадағалайды.
Сонымен қатар, психологиялық және әлеуметтік қолдау да маңызды орын алады. Себебі, АИТВ жұқпасы адамның ішкі күйзелісі мен қоғамдағы орнына әсер етеді. Сондықтан әр науқасқа жеке көзқарас, құпиялылық қағидаты қатаң сақталуы керек. Сенім бар жерде нәтиже де бар.
Жүкті әйелдермен жүргізілетін профилактикалық шаралар, жасөспірімдерге кеңес беру, аурудың алдын алу бойынша түсіндіру жұмыстары – емдеу алдын алу бөлімнің негізгі бағыттары. 2025 жылы Жамбыл облысында АИТВ-мен өмір сүретін аналардан 14 босану тіркеліп, 15 (біреуі егіз) сәби дүниеге келді. Алдын алу шаралардың толық жүргізілуінің арқасында бірде-бір балада АИТВ анықталған жоқ. Бұл – жүйелі еңбек пен дұрыс емнің нақты нәтижесі.
Емдеу бөлімінің жұмысы – үнсіз ерлік. Күн сайынғы сабыр мен мейірімнің арқасында жүздеген адам қалыпты өмір сүруге мүмкіндік алып отыр. Әр басталған ем – болашаққа үміт, әр сақталған денсаулық – үлкен жетістік.
Фируза Ниязалиеваның өмірі – тек қызметпен шектелмейді. Ол – бойына мейірім мен ізгілікті жинаған ибалы келін, ардақты жар, аяулы ана.
– Дәрігер болу – жай ғана мамандық емес, – дейді Фируза Аскарқызы. – Бұл – үлкен жауапкершілік пен адалдықты талап ететін өте маңызды мамандық. Жүрекпен таңдаған мамандық – тағдырмен үндеседі. Ал адамға үміт сыйлау – дәрігердің ең асыл бақыты.
