Ағымдағы жылдың 25-ші қыркүйегінде №30-шы мектеп-гимназиясының ата-аналар жиналысына Жамбыл облыстық ЖИТС орталығының педагогі Жакенова Рахима қатысқан болатын. Ондағы мақсатымыз ата-аналарға АИТВ-ның алдын алу шаралары және жұғу жолдары туралы түсіндірме жұмыстарын жүргізу. Жасөспірімдерді АИТВ-дан сақтандыруда ата-ананың рөлі ерекше. АИТВ-ның алдын алу жұмыстары мұғалімдер мен ЖИТС орталығы мамандарының ғана емес сонымен қатар ата-аналардың да міндеті. Олай болса ұрпақ, ұлт, халық алдындағы жауапкершілік ата-аналарға да жүктеледі. Сондықтан жанұя жағдайындағы жыныстық тәрбие тақырыбы қызу талқыланды. Мектеп-гимназия директоры Есеева Рахия ата-ананың міндеті балалардың іс-қимылына бақылау жасап, олардың күнделікті әкелген ақпаратын бөлісіп, талдау жасап отыруы қажет екендігін ескертті. Облыстық психикалық денсаулық орталығының психологі Дөненбаева Әсел бала денсаулығына психотропты заттардың әсері туралы мағлұмат берді.