21 мамыр күні жастар сарайында үш жоғарғы оқу орнының арасында «Есімізде! Білеміз! Жеңеміз!» тақырыбында ЖИТС-тен қаза болғандарды Халықаралық еске алу күніне орай дебаттар өткізілді. Үш команда өзара сайысқа түсіп, инфекция таралуын тоқтатудың бірден-бір жолы – АИТВ-ға мәжбүрлі тест тапсыру, АИТВ-жұқтырылған әйел бала тумауы керек, АИТВ-жұқтырылғандардың некесіне тыйым салу секілді сауалдар бойынша өз білімдерін сынға салды. Дебат барысында білімгерлердің көпшілігі сауалдарға дұрыс жауап бергендігі анықталды. Іс-шара соңында жедел-тест ұйымдастырылып, 14 білімгер тест тапсырды – нәтижелері теріс.
