Ағымдағы жылдың 14 мамырында Тараз қаласындағы № 19 орта мектебінің 8-11 сынып оқушылары үшін Халықаралық ЖИТС қайтыс болған адамдарды еске алу күніне арналған «Өмір сүру үшін есте сақтау» тақырыбында кездесу өткізілді. Жамбыл облыстық ЖИТС алдын алу және онымен күрес орталығының (ОЖИТСО) педагогы Жакенова Рахима белгісі-қызыл лента туралы, АИТВ жұғу жолдары, тестілеу түрлері туралы айтып берді. Мектеп педагогтары мен психологтары: Жармұхамедова Гүлнәр, Жұмағұлова Ұлжан, Ташмұратова Нұрғайша темекі шегудің, маскүнемдіктің, нашақорлықтың зияны туралы ақпарат берді. Барлық спикерлердің мақсаты жасөспірімдерді АИТВ жұқтыруына қатысты қауіпсіз мінез-құлыққа үйрету болып табылады. Оқушылардың барлық сұрақтарына толық жауаптар алынды.
