Жамбыл облыстық ЖИТС орталығы УЖД 158/7 қылмыстық-түзету жүйесінің мамандарымен бірлесіп, ЖИТС-тен қаза болғандарды Халықаралық еске алу күніне орай дәріс оқыды. Облыстық ЖИТС орталығының эпидемиолог дәрігері Когай Виктор «Қызыл лента» жайында – осы күннің белгісі ретінде, осы күннің мақсат-міндеттері жайында айтты. Медициналық қызмет басшысы әділет капитаны Асанов Б.Е. сотталушыларды АИТВ-ның алдын алу шаралары жайында ақпараттандырды. «Есімізде! Білеміз! Жеңеміз!» атты бейне баян көрсетіліп, ақпараттық-білім беру материалдары таратылды.
