2018 жылдың 24 мамырында № 2 қалалық аурухананың мәжіліс залында Жамбыл облыстық ЖИТС орталығының дәрігерлері аурухананың медицина қызметкерлері үшін АИТВ-жұқтырылған науқастарды ерте кезеңде белсенді анықтау және медициналық мекемеде АИТВ-ның алдын алу мәселелері бойынша семинар өткізді.

Инфекционист дәрігер Спивачевская Л.Н. аурудың таралу жолдары, сырқаттану кезеңдері, белгілері мен дисгностикасыв жайында егжей-тегжейлі баяндады. Аурудың клиникалық белгілері слайдпен түсіндірілді.

Семинардың мақсаты медициналық қол-шараларды жүргізу кезінде медицина қызметкерін АИТВ-инфекциясының алдын алу шараларына оқыту болып табылады. Апатты жағдайлар мен алдын алу шараларына баса назар аударылды.

Дәрігер эпидемиолог Дулатбаева С.Ш. ҚР мен Жамбыл облысындағы АИТВ/ЖИТС бойынша эпидемиологиялық жағдаймен таныстырды. Аурухананың медицина қызметкерлерінің назарына Жамбыл облыстық ЖИТС орталығының тәжірибесінен мысалдар ұсынылды.

Семинарда ҚР ДСМ 23.06.2015ж. № 508 «Клиникалық және эпидемиологиялық көрсетілімдер бойынша АИТВ-ның бас болуын міндетті медициналық зерттеп-қарау ержелерін бекіту туралы» бұйрығына сәйкес АИТВ-ның болуына клиникалық көрсетілімдері бойынша науқастардың тексерілу мәселелері қаралды.