15 мамыр күні Халықаралық ЖИТС қайтыс болған адамдарды еске алу күніне арналған іс-шаралардың апталық циклі аясында М.Х.Дулати атындағы Тараз мемлекеттік университетінде экономика студенттеріне арналған «Өмір сүру үшін есте сақтаймыз» атты акция өтті.
Ұлдар мен қыздар алдында Жамбыл облыстық ЖИТС алдын алу және онымен күрес жүргізу орталығының педагогы Рахима Жакенова сөз сөйледі, ол ЖИТС қайтыс болған адамдарды еске алу Халықаралық күні туралы айтып, ауруларды алдын алу әдістерімен, АИТВ және ЖИТС ұғымдарымен таныстырды, жастарды салауатты өмір салтына шақырды.
Ашық әңгіме барысында маман балалардың әр түрлі сұрақтарына жауап берді, ал іс-шара соңында ақпараттық материал тапсырып, жедел тестілеу рәсіміне қатысуға шақырды.
– Біз, әрине, бұқаралық ақпарат құралдарынан ЖИТС туралы естиміз, бірақ бұл туралы ЖИТС орталығының маманы айтқан кезде бұл өте сенімді және қызықты, – деді «Экономика және бизнес» факультетінің 1 курс студенті Эльнура Тұрсынбай.
Жедел тестілеу рәсіміне студенттер ғана емес, сонымен қатар ЖОО оқытушылары да қатысты.
– Әр адам өз денсаулығын қадағалауы тиіс. Бүгінгі күн бізге ауру туралы пайдалы ақпарат алумен қатар, АИТВ тест жасау мүмкіндігін берді, – деді жедел тест жасаған, экономикалық факультет деканының орынбасары Сабыржан Қадырбай.
АИТВ тест тапсырғысы келетін студенттер
Тестілеу рәсімі