2020 жылдың 12 наурызында Жамбыл облыстық ЖИТС алдын алу және онымен күрес жүргізу орталығының мамандары Г.Т. Байдаулетова, И.М.Досымова және В.Г.Когай Т.Рысқұлов ауданының медицина қызметкерлері арасында семинар өткізді. Медицина қызметкерлеріне халық арасында АИТВ/ЖИТС алдын алу, АИТВ өмір сүретін адамдарға қатысты стигма және кемсітушілік, Қазақстан Республикасы мен Жамбыл облысындағы АИТВ бойынша эпидемиологиялық жағдай туралы айтылды. Сонымен қатар, апаттық жағдайлар кезіндегі іс-қимыл шаралары және оларды жою, байланыстан кейінгі алдын алу, нормативтік-құқықтық база туралы толық ақпарат берілді. АИТВ туралы білімдерін айқындайтын медицина қызметкерлеріне сауалнама жүргізілді. Ақпараттық-білім беру материалдары таратылды. Семинарға 52 адам қатысты.
