Баспасөз- релизі
Дүниежүзілік ЖИТС қарсы күрес күні қарсаңында 15-25 қараша аралығында ЮНЭЙДС бастамасымен «АИТВ: әрқайсысын есту» атты Науқан өткізіледі.
АИТВ-инфекциясының таралуын тоқтату үшін стигма мен кемсітушілікті жою, халықтың назарын АИТВ/ЖИТС мәселесіне аудару қажет және ынтымақтастық АИТВ шалдыққан адамдарды ақпаратпен, қызметтермен, әлеуметтік қорғаумен қамтамасыз етудің кепілі болуы тиіс, – деп есептейді Жамбыл облыстық ЖИТС орталығының бас дәрігері Ерлан Исмагулов.
Науқан аясында Облыстық ЖИТС орталығының қызметкерлері «Зер күміс» ЖШС, «Салауатты Өлке ЖанНұр» АҚ бірлесіп, АИТВ/ЖИТС туралы ақпараттандыру үшін жастар мен тұрғындар арасында жедел әдісімен АИТВ ерікті тестілей отырып, «АИТВ: әрқайсысын есту» тақырыбында акция, дәрістер, кездесулер өткізеді.
Облыстық ЖИТС орталығының мамандары әрбір адамға #Әрқайсысын есту#toHearEveryone хештегімен АИТВ берілу жолдары мен инфекциядан қорғау шараларын білудің маңыздылығы туралы ескерту ретінде ЖИТС күрес символы-қызыл лентаны берумен қосылады.
Дүниежүзілік науқанның өзектілігі АИТВ індетінің даму тенденциялары мен көрсеткіштерін көрсетеді. Жамбыл облысында бүгінде АИТВ өмір сүретін 1514 адам тұрады және олардың барлығы диагноз қойылғаннан кейін бірден тегін ем ала алады.
Соңғы он жылда жыныстық жолмен берілу жолының 2011 жылғы 32% – дан 2021 жылғы 75% – ға дейін тұрақты өсу үрдісі байқалады, қабылданған шаралар нәтижесінде АИТВ инфекциясының эпидемиялық үрдісінің серпінінде тамыр ішілік есірткіні пайдалану кезінде парентеральды берілу жолының 60%-дан 7%-ға дейін төмендегені байқалады. АИТВ-мен өмір сүретін адамдардың өлімі ЖИТС емес, АИТВ-инфекцияларымен біріктірілген ауруларға байланысты. Соңғы онжылдықтағы тағы бір жетістік АИТВ-инфекциясының анадан балаға берілу деңгейінің төмендеуі болды, АИТВ ауыратын жүкті әйелдер 98% – да дені сау балаларды дүниеге әкеледі.
Байланыс: Садыбекова Ғалия aids62@mail.ru 87075476505
Тараз қ.
Төле би даңғылы, 64г
+7 (7262) 45-65-32
aidstaraz@med.mail.kz
Біз әлеуметтік желідеміз
© 2021