Жамбыл облыстық Жұқтырылған иммун тапшылығы синдромының алдын алу және онымен күрес жүргізу орталығы мен “ALMAZ” жастар денсаулық орталығында медициналық орталығының бірлескен ұйымдастыруымен тұрғындарға арналған ақпараттық-танымдық кездесу өтті. Іс-шараның мақсаты – халық арасында АИТВ-инфекциясының алдын алу жөніндегі ақпараттандыру жұмыстарын күшейту, инфекцияның берілу жолдары мен сақтану шаралары туралы түсіндіру, сондай-ақ ерте тексерілудің маңыздылығын насихаттау. Кездесу барысында мамандар келушілерге АИТВ-инфекциясына қатысты өзекті мәліметтер ұсынып, тестілеуден құпия әрі тегін өту мүмкіндіктері туралы ақпарат берді. Сонымен қатар, қатысушылардың сауалдарына жан-жақты жауап беріліп, профилактикалық мазмұндағы ақпараттық жадынамалар таратылды.