Жаңалықтар

Жамбыл облыстық ЖИТС-тің алдын алу және онымен күрес жүргізу орталығының мамандары оқушылармен кездесу өткізіп, АИТВ-инфекциясының алдын алу тақырыбында танымдық дәріс ұйымдастырды.
Кездесу барысында психолог Г. Салпыкова жасөспірімдерге АИТВ жұғу жолдары, жыныстық жолмен берілетін инфекциялар, қауіпсіз мінез-құлықтың маңызы, өз денсаулығына ұқыптылықпен қарау және қоғамда стигма мен кемсітушіліктің алдын алу туралы дәріс өтті. Сонымен қатар, оқушыларға ақпараттық парақшалар таратып, АИТВ инфекциясының алдын алу жолдары жөнінде пайдалы кеңестермен бөлісті.
Шара соңында оқушылар басқа мектеп оқушыларына «АИТВ-ға қарсы күрестегі қиындықтардан – тиімді өзгерістерге» ұранымен челлендж жолдады.

Дүниежүзілік ЖИТС-пен күрес күніне орай Абай атындағы гуманитарлық жоғары колледжінде «АИТВ-ға қарсы күрестегі қиындықтардан – тиімді өзгерістерге» ұранымен қыщдар арасында спорттық іс-шара өткізді.
Мақсаты: Жастар арасында АИТВ-инфекциясы мен жыныстық жолмен берілетін инфекциялардың алдын алу, денсаулыққа жауапты көзқарас қалыптастыру және салауатты өмір салтын насихаттау. Сонымен қатар, жасөспірімдердің спортқа деген қызығушылығын арттыру көзделді.
Іс-шара барысында ЖИТС орталығының психолог маманы қатысушыларға сәттілік тілеп, АИТВ-ның алдын алу және өз денсаулығына жауапкершілікпен қарауының маңызы атап өтті.

1 желтоқсан – Дүниежүзілік ЖИТС-ке қарсы күрес күні  Жамбыл облыстық ЖИТС-тің алдын алу және онымен күрес жүргізу орталығының мобильді тобы Назарбаев зияткерлік мектебінің жоғары сынып оқушыларына «АИТВ-ға қарсы күрестегі қиындықтардан – тиімді өзгерістерге» тақырыбында ақпараттық дәріс өткізді. Бұл шараның басты мақсаты – жастар арасында АИТВ/ЖИТС туралы дұрыс әрі ғылыми негізделген ақпарат таратып, алдын алу мәдениетін қалыптастыру.

Іс-шара аясында мектепте бірқатар қосымша шаралар ұйымдастырылды.

Оқушылар арасында сурет байқауы өткізілді. Байқауға қатысушылар АИТВ/ЖИТС туралы өз көзқарастарын шығармашылық түрде жеткізіп, салауатты өмір салтын насихаттайтын жұмыстар ұсынды. Бұл конкурс жасөспірімдердің ой-қиялын дамытуымен қатар, ауру жөніндегі түсініктерін арттыруға ықпал етті.

Сонымен қатар, мектеп кіре берісіндегі дәліздегі теледидар арқылы бір апта бойы АИТВ туралы арнайы дайындалған ақпараттық роликтер көрсетілді. Бұл оқушылардың ғана емес, мектеп ұстаздарының да ақпараттану деңгейін арттыруға мүмкіндік берді.

Шара барысында мамандар оқушыларға АИТВ мен оның қандай жолмен берілетін инфекциялар жөнінде кеңінен ақпарат берді.

Іс-шараның негізгі бағыттары:

– жастарға ғылыми дәлелденген ақпарат ұсыну;

– жұқпалы аурулардың алдын алу мәдениетін қалыптастыру;

– жеке қауіпсіздік дағдыларын дамыту;

– ақпараттық сауаттылықты арттыру;

– денсаулыққа жауапкершілікпен қарауға шақыру;

– салауатты өмір салтын насихаттау.

Мектеп оқушыларына бағытталған мұндай дәрістердің басты мақсаты – жасөспірімдердің қауіпті мінез-құлықтан сақтануы және өз денсаулығын бағалай білуіне ықпал ету.

Кездесу кезінде мамандар: АИТВ-ның жұғу және жұқпау жолдары;  қорғану тәсілдері; қауіпсіз мінез-құлық қалыптастырудың маңызы;  АИТВ-ға қатысты қоғамдағы стигма мен кемсітушіліктің зардаптары; ауруды ерте анықтаудың артықшылықтары жөнінде толыққанды ақпарат берді.

Жамбыл облыстық ЖИТС-тің алдын алу және онымен күрес жүргізу орталығының эпидемиолог дәрігері Д. Абдраманова колледж студенттеріне
«АИТВ-ға қарсы күрестегі қиындықтардан – тиімді өзгерістерге» тақырыбында ақпараттық семинар өткізді.
Семинардың мақсаты — жастар арасында АИТВ және ЖЖБИ туралы ғылыми дәлелденген ақпарат тарату, алдын алу мәдениетін қалыптастыру, ақпараттық сауаттылықты арттыру және денсаулыққа жауапкершілікпен қарауды үйрету. Сонымен қатар салауатты өмір салтын насихаттау.
Шара барысында мамандар АИТВ-ның жұғу жолдары, қорғану тәсілдері, қауіпсіз мінез-құлықтың маңызы және қоғамдағы стигма мен кемсітушілікпен күрес туралы түсіндіріп, студенттердің сұрақтарына толық жауап берді.

«АИТВ-ға қарсы күрестегі қиындықтардан – тиімді өзгерістерге» ұранымен Байзақ аудандық орталық ауруханасы мен ЖИТС орталығы бірлесіп жастарға арналған мазмұнды іс-шара ұйымдастырды. Шараға ЖИТС орталығының эпидемиолог-дәрігері И. Досымова қатысып, кездесудің мақсаты туралы кеңінен ақпарат берді.

Индира Мумархановна жастарға АИТВ және жыныстық жолмен берілетін инфекциялар жөнінде дұрыс әрі сенімді ақпараттың маңызын түсіндіріп, алдын алу мәдениетін қалыптастыру мен салауатты өмір салтын насихаттау бағытында құнды мәліметтер ұсынды.

Жастар іс-шараға белсенді қатысып, өз білімдері мен қызығушылықтарын көрсетті. Жеңімпаздар мен белсенді қатысушылар дипломдар және естелік сыйлықтармен марапатталды.

Шара соңында қатысушылар жедел тестілеуден өту мүмкіндігіне ие болып, ақпараттық материалдар таратылды.

«АИТВ-ға қарсы күрестегі қиындықтардан – тиімді өзгерістерге» ұранымен Тараз сервис және технология колледжі, №5 қалалық емхана және ЖИТС орталығы бірлесіп тағылымды іс-шара ұйымдастырды. Шараға ЖИТС орталығының эпидемиолог-дәрігері И. Досымова қатысып, кездесу мақсаты мен маңызын кеңінен түсіндірді.

Индира Мумархановна жастарға АИТВ және жыныстық жолмен берілетін инфекциялар туралы дұрыс әрі сенімді ақпарат берудің маңызын атап өтіп, олардың алдын алу жолдары және салауатты өмір салтын қалыптастыру жөнінде құнды мәліметтермен бөлісті.

Іс-шара барысында студенттер интеллектуалды ойындарға белсенді қатысып, өз білімдері мен тапқырлықтарын көрсетті. Жеңімпаздар мен белсенді қатысушыларға арнайы дипломдар және естелік сыйлықтар табысталды.

Шара соңында қатысушыларға жедел тестілеуден өту мүмкіндігі ұсынылып, ақпараттық-білімдік материалдар таратылды.

«АИТВ-ға қарсы күрестегі қиындықтардан – тиімді өзгерістерге» ұранымен колледж студенттері тағылымды іс-шара ұйымдастырды. Шараға ЖИТС орталығының эпидемиолог дәрігері И. Досымова қатысып, кездесудің мақсаты туралы кеңінен айтып өтті.
Индира Мумархановна жастарға АИТВ және жыныстық жолмен берілетін инфекциялар жайлы дұрыс ақпарат беру, алдын алу мәдениетін қалыптастыру және салауатты өмір салтын насихаттау бағытындағы маңызды мәліметтермен бөлісті.
Шара барысында студенттер өнер көрсетіп, қызықты қойылымдар мен билер ұсынды, өлең оқып, танымдық ойындарға белсене қатысты. Жеңімпаздар мен белсенді қатысушыларға дипломдар мен естелік сыйлықтар табысталды.
Соңында орталық мейірбикесі Э. Ибрагимова жедел тестілеуден өту мүмкіндігін ұсынып, ақпараттық материалдар таратты.

Жамбыл облыстық ЖИТС-тің алдын алу және оған қарсы күрес жүргізу орталығының эпидемиолог дәрігері С. Дулатбаева және психолог Г. Шамурзаева колледж студенттеріне «АИТВ-ға қарсы күрестегі қиындықтардан – тиімді өзгерістерге» тақырыбында ақпараттық дәріс өткізіп, өзекті мәселелер бойынша түсіндіру жұмыстарын жүргізді.
Іс-шараның мақсаты:
– жастарға АИТВ/ЖЖБИ туралы ғылыми негізделген ақпарат беру;
– алдын алу мәдениетін қалыптастыру;
– ақпараттық сауаттылықты арттыру;
– денсаулыққа жауапкершілікпен қарауды үйрету;
– салауатты өмір салтын насихаттау.
Дәріс барысында мамандар АИТВ-инфекциясының жұғу жолдары, алдын алу шаралары, қауіпсіз мінез-құлықтың маңызы, сондай-ақ стигма мен кемсітушілік мәселелері жайында жан-жақты түсіндіріп, студенттердің сұрақтарына толық жауап берді.
Іс-шара соңында қатысушыларға ақпараттық материалдар таратылды.

Тараз қаласы білім бөлімінің Сағадат Нұрмағамбетов атындағы №10 орта мектебінде Жамбыл облыстық ЖИТС-тің алдын алу және онымен күрес жүргізу орталығының мамандары оқушылармен кездесу өткізіп, АИТВ-инфекциясының алдын алу бойынша түсіндіру жұмыстарын жүргізді.

Психолог Г. Шамурзаева жасөспірімдерге АИТВ-ның жұғу жолдары, жыныстық жолмен берілетін инфекциялар, қауіпсіз мінез-құлықтың маңызы, денсаулыққа жауапкершілікпен қарау және стигма мен кемсітушіліктің алдын алу туралы маңызды ақпарат берді. Сондай-ақ салауатты өмір салтының маңыздылығы атап өтілді.

Шара соңында орталық мейірбикесі А.Кокибаева оқушыларға ақпараттық жадынамалар таратылып, АИТВ-ның алдын алу бойынша пайдалы кеңестер ұсынылды.

Жамбыл облыстық ЖИТС орталығында «АИТВ-ға қарсы күрестегі қиындықтардан – тиімді өзгерістерге» ұранымен Ашық есік күні өтті.

Іс-шараның негізгі мақсаты – АИТВ-инфекциясының, жыныстық жолмен берілетін инфекциялардың (ЖЖБИ) және өзге де жұқпалы аурулардың алдын алу мәдениетін қалыптастыру, халықтың ақпараттану деңгейін арттыру, денсаулыққа жауапкершілікпен қарау көзқарасын дамыту, қауіпсіз мінез-құлық дағдыларын үйрету, әрі салауатты өмір салтын насихаттау болды.

Шара орталықтың мәжіліс залында өткізіліп, алдымен психолог маманы М. Бегманова қатысушыларға АИТВ туралы жалпы түсінік беріп, орталық қызметкерлерімен таныстырып өтті. Ол жастарды белсенділік танытып, сұрақтар қоюға шақырды.

Алғашқы баяндама орталықтың эпидемиолог дәрігері Қ. Аушеноваға беріліп, ол Қазақстан Республикасындағы АИТВ бойынша статистикалық мәліметтерге тоқталып, Жамбыл облысындағы эпидемиологиялық жағдай жөнінде кеңінен түсіндірді.

Келесі сөз кезегін инфекционист дәрігер Г. Байдаулетова алып, АИТВ-инфекциясының жұғу жолдары, жұқпайтын жағдайлар, сақтану шаралары және науқас уақытылы ем қабылдамаған кезде ЖИТС сатысына өту қаупі туралы толық ақпарат берді.

Сонымен қатар гинеколог дәрігер Р. Перзадаева АИТВ алдын алу, АИТВ-ның вертикальді берілуінің профилактикасы және  АИТВ-мен өмір сүретін әйел емделген жағдайда дені сау бала дүниеге әкеле алатыны жөнінде, басқа да жыныстық жолмен жұғатын аурулар туралы түсіндірді. Ол жастарды зиянды әдеттерден аулақ болуға шақырып, репродуктивті денсаулықтың маңызын атап өтті.

Шара барысында қатысушылар мамандарға өздерін қызықтырған сұрақтарды қойып, кәсіби әрі жан-жақты жауап алды. Өздері ниет білдірген жастар жылдам тестілеуден өтіп, өз АИТВ статусын анықтау мүмкіндігіне ие болды.

Іс-шара соңында жастар орталықтың бөлімдерін аралап, дәрігерлермен жеке әңгімелесіп, анонимді кеңес беру кабинетінің жұмысымен танысты. Ашық есік күні қатысушыларға пайдалы ақпарат беріп, денсаулықты қорғаудың маңызын түсіндіруге бағытталған мазмұнды кездесу ретінде өткізілді.