Жаңалықтар

«Олимпиадалық резервтің облыстық мамандандырылған мектеп-интернат-колледжі» студенттеріне арналған профилактикалық ақпараттық дәріс өткізілді.
Кездесуге Жамбыл облыстық ЖИТС-тің алдын алу және онымен күрес жүргізу орталығының мамандары — орталық медбикесі Н. Тоғанбай және психолог М. Бегманова қатысып, дәріс оқыды.
Дәріс барысында АИТВ инфекциясының алдын алу, жыныстық жолмен берілетін инфекциялар (ЖЖБИ), қауіпсіз мінез-құлық қағидалары және салауатты өмір салтын ұстанудың маңызы туралы маңызды ақпараттар берілді.
Студенттер танымдық сұрақ-жауап ойынына белсенді қатысып, өздерін қызықтырған сауалдарға нақты жауаптар алды.
Кездесу барысында ақпараттық түсіндіру жұмыстары жүргізіліп, студенттерге арнайы ақпараттық материалдар таратылды.

Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының емдеу-алдын алу бөлімінің ұйымдастыруымен «Жақсылық жасап жарысайықшы» атты челлендж аясында қайырымдылық шарасы өткізілді.
Аталған акцияның мақсаты – мейірімділік пен жанашырлықты насихаттау, қолдауды қажет ететін жандарға көмек көрсету. Іс-шара барысында орталық қызметкерлері екі пациентке азық-түлік себеттерін табыстап, жылы лебіздерін білдірді.
Бұл бастама – қоғамда өзара қолдау мен қамқорлық мәдениетін қалыптастыруға бағытталған игі қадам. Қайырымдылық – үлкен жүректен шығатын ізгі іс.
Баршаңызды жақсылық жасауға шақырамыз!

6 наурыз күні Жамбыл облыстық Жұқтырылған иммун тапшылығы синдромының алдын алу және онымен күрес жүргізу орталығының мәжіліс залында Халықаралық әйелдер күніне орай ерекше мерекелік шара ұйымдастырылды.
Мерекелік жиын барысында нәзік жандарға деген құрмет пен ризашылық білдіріліп, жылы лебіздер мен шынайы құттықтаулар айтылды.
Орталықтың бас дәрігері Қыдырбаев Бағлан Жарылқасынұлы ақ халатты абзал жандарды мерекемен шын жүректен құттықтап, өз сөзінде әйелдердің қоғамдағы және медицина саласындағы маңызды рөлін ерекше атап өтті.
Мерекелік жиында ұжымдағы ер азаматтар да нәзік жандыларға арнап ән шырқап, құрметтерін білдірді.
Бұл ерекше жиын ұжымдағы бірлік пен сыйластықтың жарқын көрінісіне айналып, барша қатысушыларға көтеріңкі көңіл-күй сыйлады.

Жамбыл облыстық ЖИТС-тің алдын алу және онымен күрес жүргізу орталығының психолог маманы Г. Шамурзаева Тараз қаласының Жастар ресурстық орталығында жастарға арналған ақпараттық кездесу өткізді. Іс-шара барысында қатысушыларға қазақ және орыс тілдерінде түсіндіру жұмыстары жүргізілді.
Кездесу барысында маман Қазақстан Республикасындағы және Жамбыл облысындағы АИТВ инфекциясының қазіргі эпидемиологиялық жағдайы туралы айтып, өңірде жүргізіліп жатқан алдын алу шаралары мен тұрақты ақпараттық жұмыстардың маңыздылығына тоқталды.
Сонымен қатар, АИТВ инфекциясының, жыныстық жолмен берілетін инфекциялардың (ЖЖБИ) және басқа да жұқпалы аурулардың алдын алу жолдары, қауіпсіз мінез-құлық қағидалары, сондай-ақ салауатты өмір салтын ұстанудың маңызы туралы кеңінен ақпарат берілді.
Іс-шара соңында қатысушылар өздерін қызықтырған сұрақтарын қойып, маман тарапынан толық жауаптар алды.

Жамбыл облыстық ЖИТС орталығының мәжіліс залында сыбайлас жемқорлықтың алдын алу мәселелеріне арналған маңызды жиын өтті. Іс-шараның мақсаты – мекемедегі ашықтық пен адалдық қағидаттарын нығайту, сыбайлас жемқорлық тәуекелдерінің алдын алу және комплаенс қызметінің жұмысын жетілдіру болды.

Жиынға Қазақстан Республикасының Мемлекеттік қызмет істері агенттігінің Жамбыл облысы бойынша департаментінің Сыбайлас жемқорлықтың алдын алу басқармасының басшысы Қ.Ақмырзаев және осы басқарманың бас маманы Т.Нұрханова қатысты.

Жиынды орталықтың бас дәрігері Б.Қыдырбаев ашып, Жамбыл облысы бойынша департаментінің Сыбайлас жемқорлықтың алдын алу басқармасынан келген қызметкерлерді таныстырып, сөз кезегін берді.

Қайрат Қалабайұлы өз сөзінде сыбайлас жемқорлықтың алдын алу – кез келген мемлекеттік мекеменің ашықтығы мен қоғам алдындағы сенімін арттырудың маңызды тетігі екенін атап өтті. Сонымен қатар, ол заң талаптарын қатаң сақтау, қызметтік әдеп нормаларын ұстану және профилактикалық жұмыстарды жүйелі түрде жүргізу қажеттігіне тоқталды.

Кездесу барысында орталықтың комплаенс-офицері М. Есдәулетованың 2025 жылғы жұмыс қорытындысы тыңдалды.

Талқылау барысында Таңшолпан Бақытәліқызы комплаенс қызметінің жұмысына қатысты бірқатар нақты сұрақтар қойып, атқарылған шаралардың тиімділігіне тоқталды. Мадина Жұманқызы қойылған сұрақтарға жауап берді.

Одан әрі орталық қызметкерлері тарапынан бірқатар маңызды сұрақтар мен ұсыныстар айтылды.

Қайрат Қалабайұлы орталық қызметкерлеріне жан-жақты әрі түсінікті жауаптар берді. Бұл өз кезегінде ұжымның құқықтық сауаттылығын арттыруға және сыбайлас жемқорлыққа қарсы мәдениетті нығайтуға оң ықпал етті.

Кездесу соңында орталық басшысы Бағлан Жарылқасынұлы сөз сөйлеп, сыбайлас жемқорлықтың алдын алу бағытындағы жұмыстар алдағы уақытта да заң талаптарына сәйкес, ашықтық, әділдік және жауапкершілік қағидаттарын негізге ала отырып жүргізілуі тиіс екенін атап өтті. Сонымен қатар, комплаенс қызметіне айтылған ұсыныстар мен ескертулерді бақылауында ұстайтынын жеткізді.

2026 жылғы 25 ақпан күні Жамбыл облыстық ЖИТС-тің алдын алу және онымен күрес жүргізу орталығы мәжіліс залында «Жамбыл облысындағы 2025 жылдың 12 айындағы жүкті әйелдер мен жүкті әйелдердің жыныстық серіктестерін АИТВ-инфекциясына тексеру және АИТВ-инфекциясының анадан балаға вертикальді жолмен берілуінің алдын алу» тақырыбында семинар-кеңес өтті.
Семинар-кеңестің мақсаты – өңірде АИТВ-инфекциясының анадан балаға берілуін болдырмау, жүкті әйелдер мен олардың серіктестерін тестілеумен қамту деңгейін арттыру және медициналық ұйымдардағы есептілік пен профилактикалық жұмыстың сапасын жетілдіру.
Іс-шараға Тараз қаласы мен аудандық емдеу-алдын алу мекемелері басшыларының орынбасарлары, әйелдер консультацияларының меңгерушілері, ЖТД (ВОП) меңгерушілері, АИТВ-инфекциясына жауапты БМСК ұйымдары мен перзентхана бөлімдерінің медициналық қызметкерлері қатысты.
Семинар-кеңесті АИТВ-инфекциясының профилактикалық жұмыс бөлімінің меңгерушісі Г.Ахметова ашып, Жамбыл облысы бойынша 2025 жылдың 12 айындағы эпидемиологиялық ахуал туралы баяндады. Сондай-ақ аудандық бөліністе халықты АИТВ-ға тестілеумен қамту көрсеткіштеріне тоқталып, орталыққа ұсынылатын айлық есептердің сапалы әрі уақытылы тапсырылуының маңыздылығын атап өтті.
Емдеу-алдын алу бөлімінің дәрігер-инфекционисті Г. Темірбекова ҚР ДСМ-нің 17.03.2023 жылғы №180 Клиникалық хаттамасына сәйкес АИТВ-инфекциясының анадан балаға берілуінің алдын алу шараларын түсіндіріп өтті.
АИТВ-инфекциясының профилактикалық жұмыс бөлімінің эпидемиолог дәрігері Д. Абдраманова 2025 жылдың 12 айының қорытындысы бойынша жүкті әйелдерді 109.1, 109.2 және 109.3 кодтары бойынша тексеру көрсеткіштері және жүкті әйелдердің жыныстық серіктестерін АИТВ-инфекциясына тексеру мәселелері жөнінде баяндама жасады.
Қатысушылар тарапынан қойылған сұрақтарға толық әрі кәсіби жауаптар берілді.
Семинар соңында орталықтың мейірбикесі В. Мартынова АИТВ-инфекциясына экспресс-тестілеу жүргізу тәртібі мен сапасын бақылау алгоритмін тәжірибелік түрде көрсетіп, түсіндірді.

Cеминарды орталықтың профилактикалық жұмыс бөлімінің эпидемиолог дәрігері Д.Абдраманова және емдеу-профилактикалық бөлімнің инфекционист дәрігері Г.Темірбекова жүргізді.

Семинардың мақсаты – қатысушыларды Қазақстан Республикасы мен Жамбыл облысындағы ВИЧ-инфекциясының эпидемиологиялық жағдайымен таныстыру, ВИЧ бойынша жаңартылған нормативтік-құқықтық актілерді түсіндіру, сондай-ақ тестілеу, алдын алу және емдеу шаралары туралы жан-жақты ақпарат беру.
Семинар барысында келесі тақырыптар қамтылды:
– Жамбыл облысы мен ҚР бойынша АИТА/ЖИТС-тің эпидемиологиялық ахуалы;
– Медициналық ұйымдардағы АИТВ инфекциясының алдын алу бағытындағы ұйымдастыру-әдістемелік жұмыс;
– ҚР Денсаулық сақтау министрінің 2020 жылғы 27 қарашадағы № ҚР ДСМ-211/2020 бұйрығына сәйкес ВИЧ-инфекциясына міндетті құпия медициналық тексеру қағидалары;
– АИТВ-ға тексерілуге жататын контингенттер және кәсіптік жұқтырудың алдын алу;
– АИТВ инфекциясының диагностикасы, профилактикасы және емі, қосалқы аурулар;
– Анадан балаға АИТВ, мерез және С гепатитінің берілуінің алдын алу;
– Стигма мен кемсітушіліктің алдын алу мәселелері.
Қатысушылар өзекті сұрақтарын қойып, тәжірибелік тұрғыда маңызды жауаптар алды.

Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығы мәжіліс залында «Отбасы сағаты» тақырыбында ұжымдық кездесу өтті.
Іс-шараны орталықтың ұйымдастыру және әдістемелік бөлімінің меңгерушісінің м.а. А.Байкеева жүргізді. Жиын барысында қызметкерлерге отбасы құндылықтарының маңызы, отбасындағы сыйластық пен өзара қолдаудың рөлі, ұлттық тәрбиенің негіздері туралы мазмұнды ақпарат берілді.

24 ақпан күні Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығы қызметкерлеріне арналған семинар-жаттығу сабағы өтті.
Іс-шараны Жамбыл обаға қарсы күрес станциясы тырысқақ диагностикасы және алдын алу зертханасының дәрігері Дамира Төрегелдіқызы Шоншабаева жүргізді.
Семинар барысында оба және тырысқақ ауруларының алдын алу шаралары, жұғу жолдары, оба ауруы туралы жалпы түсінік, обаның патогенезін, 1-ші типтік обаға қарсы костюмді киіп, шешуді түсіндіріп өтті.

Жамбыл облыстық жұқтырылған иммун тапшылығы синдромының алдын алу және онымен күрес жүргізу орталығының эпидемиолог дәрігері Қ.Аушенова “Дәрігер Абдуалиевтің ЛОР клиникасы” қызметкерлеріне семинар өткізді.
Іс-шара барысында медициналық авариялық жағдайдағы медицина қызметкерлерінің іс- әрекет алгоримдері түсіндіріліп, қан және басқа да биологиялық сұйықтықтармен байланыс болған жағдайда қабылданатын шұғыл шаралар мен постконтакттық профилактика тәртібі айтылды.
Сондай-ақ жедел тестілеудің маңыздылығы, оны қолдану және нәтижесін бағалау жолдары түсіндірілді.
Семинардың мақсаты – медицина қызметкерлерінің қауіпсіздігін қамтамасыз ету және АИТВ инфекциясының алдын алу шараларын күшейту.