2019 жылы 23 мамырда ШЖК МКК №7 қалалық емханасында
Облыстық ЖИТС орталығының мамандары АИТВ инфекциясын эпидемиологиялық қадағалау бөлімінің эпидемиолог дәрігері Ахметова Г.Т., емдеу алдын алу бөлімінің дәрігері Сметова К.Е., алдын алу бөлімінің дәрігері Акшенова К.Б. осы емхананың медициналық қызметкерлеріне семинар өткізді. Семинардың мақсаты қатысушыларды Қазақстан Республикасы мен Жамбыл облысында АИТВ жұқпасының таралу деңгейімен, АИТВ жұқпасы бойынша жаңа нормативтік-құқықтық базасымен, АИТВ инфекциясына жататын контингенттерді тестілеу және кәсіби жұқтырудың алдын алу ережелерімен таныстыру.
Эпидемиолог дәрігер Ахметова Г.Т. 2018 жылға ҚР және Жамбыл облысы бойынша АИТВ инфекциясы бойынша эпидемиологиялық жағдай туралы ақпаратты ұсынды және АИТВ инфекциясы мен ЖИТС бойынша негізгі НҚА таныстырды. АИТВ жұқпасын жоғары жұқтыру қаупі бар топтағы медицина қызметкерлерінің АИТВ тексерілуі бойынша енгізілген өзгерістер қаралды. Инфекционист дәрігер Сметова К.Е. АИТВ және ЖИТС бойынша НҚА негіздерімен ҚР ДС және ӘД министрлігінің 2015 жылғы 23 маусымның №508 «Клиникалық және эпидемиологиялық көрсеткіштері бойынша АИТВ тексеру үшін міндетті құпия медициналық сараптама ережесін бекіту туралы » бұйрығына сәйкес науқастарды тексеру шараларымен таныстырды. Жоғары қауіпті топ медицина қызметкерлері арасында АИТВ жұқпасына еселігі бойынша тексеруге енгізілген өзгерістер туралы айтты. АИТВ індетін жұқтырудың алдын алу шараларын ұйымдастыру бойынша түсіндірме жұмыстарын жүргізді. АИТВ, ВГС, ВГВ жұқтыру қаупімен байланысты төтенше жағдайлардың үлгілері, сондай-ақ медицина қызметкерлердің жұқтыру қаупін бағалау қарастырылған. Медициналық ұйымдардағы іс-шаралар туралы №64 бұйрық бойынша эпидемиолог дәрігер Аушенова К.Б. сөйледі.
