АИТВ алдын алу бойынша жасөспірімдер арасында іс-шаралар өткізу мақсатында Байзақ ауданының педагогтары мен психологтарына арналған «Мектеп жағдайында АИТВ алдын алу» тақырыбында семинар-тренинг өтті. Семинар қатысушыларына АИТВ жұқпасының алдын алу, таралу жолдары және алдын алу шаралары туралы негізгі білім берілді, сонымен қатар ҚР мен Жамбыл облысындағы эпидемиологиялық жағдай, стигма және дискриминация туралы қысқаша шолу жасалды. «Миға шабуыл» тренинг және «Даулы тұжырымдар» рөлдік ойын өткізілді. Сонымен қатар, АИТВ туралы білімдерін айқындайтын сауалнама жүргізілді. Қатысушылар бірлескен оқыту семинарларын өткізудің маңыздылығын атап өтті, себебі мұндай шаралар тәжірибе береді және оқушылар арасында іс-шараларды өткізу сапасын жақсартады деген сенімде.
