Жамбыл облыстық ЖИТС орталығының мамандары ІІД бірлесіп, ЖИТС-тен қаза болғандарды Халықаралық еске алу күніне орай семинар-жиын өткізді. Дәрігер эпидемиолог Когай Виктор ҚР мен Жамбыл облысындағы АИТВ/ЖИТС бойынша эпидемиологиялық жағдай, еске алу күнінің мақсат-міндеттері жайында ақпарат берді. Инфекционист дәрігер Байдаулетова Гульнара ІІД госпиталі мен емханасының медицина қызметкерлерін АИТВ/ЖИТС бойынша қолданыстағы нормативті-құқықтық құжаттармен таныстырды. Госпиталь басшысы Масиельбекова А.А. және Жамбыл облысы ІІД санитарлық-эпидемиологиялық қадағалау тобының жетекші маманы эпидемиолог дәрігер Керимбаев К.С. АИТВ-ның алдын алу бойынша жүргізілетін іс-шаралардың маңыздылығы мен ЖИТС орталығымен әріптестікті ары қарай жалғастыру қажеттілігі жайында айтты. Әскери қызметкерлер арасында ақпараттық жұмыс жүргізу үшін ақпараттық-білім беру материалдары таратылды.
