2019 жылдың 4 мамырында Жамбыл облысының төтенше жағдай департаментінің «Өрт сөндіру және авариялық құтқару жұмыстары қызметі » Мемлекеттік басқармасында «АИТВ таралу жолдары және алдын алу шаралары» тақырыбында дәріс өткізілді. Облыстық ЖИТС орталығының дәріскерлері, эпидемиологтар Аушенова Қызжібек және Мамедова Турана Жамбыл облысы бойынша эпидемиологиялық жағдай, АИТВ және ЖИТС туралы түсінік берді. АИТВ берілу жолдары, алдын алу шаралары, тестілеу түрлері және емдеу қағидалары, стигма және кемсітушілік туралы айтып берді. Тыңдаушылар сау адамдарды АИТВ әдейі немесе байқамай жұқтырған адамдардың қылмыстық жауаптылығы, симптомдары, донорлық қан құю кезінде жұқтыру қаупі туралы сұрақтар қойды. Барлық сұрақтарға толық жауаптар берілді.
Облыстық ЖИТС орталығының дәріскері Қ. Аушенова.
Тыңдаушылар.